Ruka 7:44 - Te B'aib'ara

⁴⁴ E rairaki ngkanne Iesu nakon te aine, ao E taku nakon Timon, “Ko nora te aine aei? I rin n am auti, ao akea te ran ae ko anganai b'a tebokani waeu, ma neiei e kam'aim'ai waeu n ranni matana ao e kaoi n iran atuna.

Ruka 7:44 ပူးပေါင်းရင်းမြစ်များ

Karikani B'aai 18:4

Taningaai b'a N na anaa te ran teutana i bukin tebokan waemi; kam kona ni katoki kuami moa i aan te aroka aei.

Karikani B'aai 19:2

ao e taku, “Raou aika kam karineaki, I tauraoi ni buokingkami. Nako mai nakon ana auti ami toro. Kam kona n teboki waemi ma ni matu ikai nakon te tairiki. Ao ningabong, kam a manga uti n reitanako kawaimi.” Ao a kaeka uakekei ni kaangai, “Ti aki, b'a ti a boni mena naba i tinaniku ikai ni karokoa te ngaina.”

Karikani B'aai 43:24

Ao e kairiia tarin Ioteb'a akekei te toro arei nakon te auti. E anganiia te ran b'a a na teboki waeia iai, ao e kamooi aia aati.

2.Tamuera 11:8

Ao i mwiina, e taku Tawita nakon Uria, “Nakon mwengam ni kaitiakiko.” Ao e kiitana ana bareti te uea Uria, ao e kanakoa te am'arake Tawita nakon ana auti Uria.

Ruka 7:38

E tei i akuun Iesu i bukini waena n tang, ao e kam'aim'ai waena n ranni matana, ao e kaoi n iran atuna, ao e kaboria ma waena, ao e kabiri n te b'a.

Ruka 7:43

E kaeka Timon ao e kangai, “I taku b'a teuare e m'aiti riki ana taarau ake a kamaunaaki.” Ao E taku Iesu nako ina, “E eti am iango.”

Ioane 13:5

Ao i mwina E kab'aroa te ran i nanon te betin, ao E moanna n teboki waeia ana reirei, ao E kaoi n te kaoa are bae i nuukana.

1.Timoteo 5:10

ao e kakoauaki b'a te aine ngaia ae kakaraoi m'akuri aika raraoi, n arona ni kaikawaia natina, n akoia iruwa, n teboki waeia raona ni Kristian, ni buokiia aika rawawata, ao n arona ni botum'aka ni karaoi m'akuri aika raraoi ni kabane.

Iakobo 2:6

Ma ngkami, kam kamangora te aomata ane aki kaub'ai. Tiaki a babakanikawai nakoimi akana kaub'ai ao tiaki ngaiia aika katikingkami nako matan taiani kabowi?

Tani Motiki-taeka 19:21

Ao e kairiia nakon ana auti ao e kam'arakei aia aati. Ao i mwiina, e teboki waeia, ao a am'arake ma ni mooi.

1.Tamuera 25:41

Ao e bobaraaki Nei Abikaira nako aontano ao e taku, “Bon ana toro ngai ae I tauraoi n teboki waeia ana toro nako.”