Ruka 7:42 - Te B'aib'ara

⁴² Ngke a aki kona ni kab'arai aia taarau, ao a kamaunaaki aia taarau iroun teuarei. Antai mai buakoia ae e na tangira riki teuarei?”

Ruka 7:42 ပူးပေါင်းရင်းမြစ်များ

2.Tamuera 14:13

Ao e taku te aine arei: E aera ngkai ko karaoa te m'akuri ae e kaairua nakoia ana aomata te Atua? Ko bon kabuakakako n am taeka are ko a tia n taekinna, ngkai ko tuai man kaoka natim are e biri nako.

Taian Areru 103:3

E kab'arai am bure ni kabane; ao E kamaiuko man aorakim ni kabane.

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Mataio 18:27

Ao te uea e nanoanga ana toro arei, ma ngaia are e kanakoa, ao e kamaunaa ana tarau.

Mataio 18:34

Ao e un ana uea, ao e anga te toro arei nakoia taani kamaraki n te karabuuti b'a e na mena i rouia ni karokoa e bane ni kab'ara ana tarau.

Mataio 6:12

Ao Ko na kab'ara ara bure mai roura, n ai arora ngkai ti kab'ara aia bure akana bure nako ira;

Ruka 7:43

E kaeka Timon ao e kangai, “I taku b'a teuare e m'aiti riki ana taarau ake a kamaunaaki.” Ao E taku Iesu nako ina, “E eti am iango.”

I-Rom 3:24

A bane ni kaetaki aroia n reitaki ma te Atua n ana akoi ae aki kaboaki; ao E karaoa aei iroun Iesu Kristo are kainaomataia:

I-Rom 5:6

B'a ngke ai bon akea te bae ti konaa, ao E mate Kristo n taina are baireaki i bukira ao i bukiia naba akana buakaka.

I-Karatia 3:10

B'a a nangi reke kaiia aomata aika bati aika karaoi baika tangiraki n te Tua; b'a e a tia ni koreaki ae kaangai, “E na reke kain te aomata ae aki teimatoa ni karaoi b'ai ni kabane ake a koreaki ni bokin te Tua!”

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

I-Ebeto 4:32

Ao kam na b'aina te i akoakoi, ma te nanoanga, ma te i kab'arabure, n ai aron te Atua ngkae E a tia ni kab'ara ami bure irouni Kristo.

I-Korote 3:13

Kam na i taotaon nanomi, ao kam na i kab'ara bure i roumi, ngkana iai aki raun nanon temanna iroun temanna. B'a aron te UEA ni kab'ara ami bure, ao ai bon aromi naba nako imi.