Ruka 7:38 - Te B'aib'ara

³⁸ E tei i akuun Iesu i bukini waena n tang, ao e kam'aim'ai waena n ranni matana, ao e kaoi n iran atuna, ao e kaboria ma waena, ao e kabiri n te b'a.

Ruka 7:38 ပူးပေါင်းရင်းမြစ်များ

Karikani B'aai 18:4

Taningaai b'a N na anaa te ran teutana i bukin tebokan waemi; kam kona ni katoki kuami moa i aan te aroka aei.

Etira 10:1

Ao ngke e mena Etira i aon bubuaniwaena i matan ana Tembora te Atua, n tataro ma ranni matana i matana, ao e kab'arabure i bukiia Iteraera, ao a ikotaki i rarikina m'aane, aine, ao ataei aika a rangi ni m'aiti ma n tang ni korakai.

Taian Areru 38:18

I kaoti au bure; I raraoma iai.

Taian Areru 51:17

Au karea bon te tamnei ae nanorinano, Te Atua; Ko aki riba te nano ae uruaki ae raraoma.

Te Minita 9:8

Karina kunnikaimi, koomiia irami, ao katikiraoingkami.

Ana Anene Toromon 1:3

ao ko rangi ni boiarara. A bane ataeinaine n tataaniko; kaanga ai aron kianakon te boiarara tataekinan aram.

Itaia 57:9

Kam kabira baimi ni b'aan te oriwa ao aekaki ni boiarara nako ngkana kam taromauria te anti are Moreka. Ao kam kakaea naba buokami man tamneia aika a tia ni mate.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Ioera 2:12

E taku te UEA: E tuai ni b'aka nako taina. Kam bon konaa naba n okirai ma nanomi ni kabane. Moana tangimi ma tanginiwenei! Kam na aki am'aam'arake.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Mataio 5:4

A a kab'aia akana nanokawaki, b'a a na kabebeteaki nanoia.

Ruka 22:62

Ao e oti nako Betero, ao e tangi ni kaotia b'a e rangi n uruaki nanona.

Ruka 6:21

Kam a kab'aia ngkami akana kam baki ngkai, b'a ane kam na nuai. Kam a kab'aia ngkami akana kam tanginiwenei ngkai, b'a ane kam na ngarengare!

Ruka 7:37

Ao noria, iai ainen te kawa ikekei ae te tia bure. Ngke e ataia b'a E tekateka n am'arake n ana auti te B'aritaio, ao e roko ma nen te b'a ae karaoaki man te atibu ae te arab'ata.

Ruka 7:39

Ao te B'aritaio are kaoa Iesu, ngke e nora te baerei, ao e taku i nanona, “Ngke arona b'a te burabeti Teuaei, ao E na kaman ataia b'a antai te aine aei, ae riingnga, ao arona, b'a te aine ae buakaka.”

Ioane 11:2

Aei Nei Maria are kabira te Uea n te b'a ao e kaoi waena n irannatuna, ao ngaia are e aoraki m'anena are Rataro.

Iakobo 4:9

Kam bon riai n nanokawaki ma n tang ni korakai. Ke e oneaki ngarengaremi nakon te tang ni korakai, ao ami kim'areirei nakon te mata ni kananoanga.