Ruka 7:35 - Te B'aib'ara

³⁵ Ma e ngae n anne, ao rabakaun te Atua e a kaotaki b'a e koaua irouia aomata ake a butim'aia.

Ruka 7:35 ပူးပေါင်းရင်းမြစ်များ

Taeka n Rabakau 17:16

E aera ngkai e na iai aia m'ane nanobaba i bukin aia reirei ngkai a rawa n reirei?

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

Mataio 11:19

E roko Natin te aomata n am'am'arake ma ni momooi, ao a kangai, Noria, te aomata ae buabeka ao te tia korowawa ni mamanging; raoraoia taan anai taekiti ma aomata aika buakaka. Ma e ngae n anne, ao rabakaun te Atua e a kaotaki b'a e koaua n uaana.

Ruka 7:29

Ngke a ongo aomata ma taan anai taekiti, ao a kariaia b'a E eti te Atua, b'a a tia ni b'abetitoaki n ana b'abetito Ioane.

Ruka 7:34

E roko Natin te aomata ao E am'am'arake ma ni momooi; ao kam kangai, “Nooria, te Aomata ae buabeka ao te tia korowawa ni mamanging; raoraoia taan anai taekiti ma aomata aika buakaka.”

Ruka 7:36

E kaoaki Iesu iroun temanna te B'aritaio b'a E na am'arake ma ngaia, ao E rin n ana auti te B'aritaio arei, ao E tekateka b'a E na am'arake.