Ruka 7:21 - Te B'aib'ara

²¹ N te tai naba arei, ao E kamaiuia aomata aika m'aiti man aorakiia aika kakaokoro, ao mairouia anti aika buakaka; ao E kanorabaia mataki aika bati.

Ruka 7:21 ပူးပေါင်းရင်းမြစ်များ

1.Uea 8:37

N taai tabetai, a na m'autakataka taian aroka, ke a na mka, ke a na kanaki irouia rookati ke taian taake, ao ane a na mate ni baki am Aomata. N tabetai ane a na katobibiaki aia kaawa irouia aia kairiribai, ke a na aoraki am Aomata n aoraki aika a kamaamate,

Nakoaia Ibonga 14:48

Ngkana e a manga oki te ibonga, ao e aki manga kaoti te rebera arei i mwiin oneakin buraatitana, ao e na katanoataa te auti anne b'a e a itiaki, b'a e a tia ni kanakoaki te rebera mai iai.

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Mareko 3:10

B'a E a tia ni kamaiuia aomata aika m'aiti, ao ake a aoraki a karaneneiia n uai rokoia i Rouna, b'a a aonga n riingnga.

Mareko 5:29

E rina n toki aorakina n aine, ao e namakinna i nanona b'a e a kamaiuaki man aorakina.

Mareko 5:34

E taku Iesu nako ina, “Natiu, e kamaiuko am onimaki; naako ma te rau, ao ko na kamaiuaki man aorakim.”

Ruka 7:20

Ngke a roko iroun Iesu uakekei, ao a taku, “E kanakomaira Ioane are te tia b'abetito nako Im ma ana taeka aikai, ‘Ngkoe Teuare nangi roko, ke ti na kaantaninga temanna?’ ”

Ebera 12:6

B'a ane E tangiria te Uea ao E reireia kaetan arona, ao E kataereia natina ni kabaneia aika E m'aneia n akoia.”