Ruka 7:13 - Te B'aib'ara

¹³ Ngke E nora neierei te Uea, ao E nanoangaia, ao E taku nako ina, “Tai tang!”

Ruka 7:13 ပူးပေါင်းရင်းမြစ်များ

Taian Areru 103:13

Aron te karo n ataataiaomata nakoia natina, Ao ai aron naba te UEA n ataataiaomata nakoia akana karinea.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Mareko 8:2

“Iai nanoangaia aomata i Rou, b'a ai tenibong aia bong n titiku i rarikiu, ao akea te b'ai ae a na kanna;

Ruka 10:1

I mwini baikekei, ao te Uea, E rineia riki itingaun, ao E kanakoia ni kakauomaniia, b'a na ri moana nakoni kaawa ma taabo ake E na kawari.

Ruka 11:1

N te tai teuana, ao E tataro Iesu n te tabo teuana; ao ngke E toki ana tataro, ao e taku ana reirei temanna nako Ina, “Te Uea, reireiniira te tataro n ai aron Ioane, ngke e reireiniia ana reirei.”

Ruka 11:39

Ao E taku te Uea nako ina, Ngkami aika B'aritaio, kam kaitiaka tinanikun te m'angko ma te raurau, ma a on nanomi n tangiran te kan tautaeka ma te kani kaub'ai, ao te buakaka.

Ruka 12:42

Ao E taku te Uea, Antai te touati ae kakaonimaki ae wanawana, are e na mwiokoaki iroun ana mataniwi b'a e na tararuaia ana toro, n angania kanaia ake a tia ni baireaki n taiia?

Ruka 13:15

Ma E kaeka te Uea ni kangai, “Ngkami aika taani m'am'ana te aba! Tiaki kam bane ni kab'arai rooia ami kao ma ami aati mani neia n am'arake n te Taabati ao kam kairiia nako ni kamoiia?

Ruka 17:5

A taku taan tuatua nakon te Uea, “Ko na kakorakorai riki ara onimaki.”

Ruka 17:6

Ao E kangai te Uea: Ngkana iai ami onimaki ae kanga ai aron te koraa ae moan te uarereke, ao kam kona ni kangai nakon te kai aei, Ko na taekaki, ao ko na unikaki i taari; ao e na ongo i roumi.

Ruka 18:6

Ao E taku te uea: Kam ongo ana taeka te tia moti are buakaka.

Ruka 19:8

Ao e tei Takaio, ao e taku nakon te Uea, “Noria, te Uea, N na anga nako iteran au b'ai nako nakoia akana aki kaub'ai; ao ngkana I a tia n anaa te b'ai teuana mairoun temanna n te aro ni babakanikawai, ao N na manga kaokia nako ina ni kaaua te tai m'aitina.

Ruka 22:61

Ao E rairaki te Uea, ao E tara Betero. Ao Betero, e uringa ana taeka te Uea, ngke E kangai nako ina, I m'ain tangin te moa n te bong aei, ao ane ko na katenua kakeaau.

Ruka 24:3

ma ngke a rin, ao a aki kunea rab'atan te Uea are Iesu.

Ruka 24:34

ao a kangai, “E a bon tia ni manga uti te Uea, ao E a tia ni kaoti nakon Timon!”

Ruka 7:12

Ngke E a kaan ma mataroan oon te kawa, ao noria, e a uotaki nako Ina te aomata ae mate ae te rikitemanna iroun tinana, ao neierei e a tia ni mate buuna; a rangi ni m'aiti aomata ake a raona neierei.

Ruka 7:14

Ao E kaaniia n riinga te bao are e uotaki iai te mate, ao a tei uake a uotia. Ao E taku Iesu, “Te roronga, I taku nako im, Tei rake!”

Ruka 7:19

Ao ngaia, e weteia uoman ana reirei, ao e kanakoia nakon te Uea ma taeka aikai, “Ngkoe Teuare nangi roko, ke ti na kaantaninga riki temanna?”

Ruka 8:52

Ao a bane n tang ao a tanginiwenei; ma E taku Iesu nako ia, “Tai tang, b'a e aki mate te teei ma e matu.”

Ioane 11:2

Aei Nei Maria are kabira te Uea n te b'a ao e kaoi waena n irannatuna, ao ngaia are e aoraki m'anena are Rataro.

Ioane 11:3

A kanakoa ngkanne aia rongorongo m'anen Rataro aikai nakon Iesu ma taekana ae kaangai: Te Uea, e aoraki teuare Ko tangiria.

Ioane 20:13

A titirakinna ao a taku, “Neiko, ko aera ngkai ko tang?” E kaekaia ao e taku, “I bukina b'a a uota nako au Uea, ao I aki ata te tabo ae a kaaki iai.”

Ioane 20:15

E taku Iesu nakoina, “Neiko, ko aera ngkai ko tang? Antai ae ko ukoukoria?” E taku neierei i nanona b'a te tia kawakina te ne n aroka teuarei, ma ngaia are e taku nakoina, “Teuaei, ngkana ko uotia nako, ao ko na tuangai b'a ko kaaki ia, b'a N na nako n anaia.”

Ioane 4:1

Ngke E ataia Iesu b'a a tia n ongo B'aritaio ae E karekeia ana reirei ni kam'aitiia riki nakoni m'aitiia ana reirei Ioane, ao E b'abetitoia n aron naba are e karaoia Ioane nakoia ana reirei

Ioane 6:23

Ma iai tabewa booti ake a roko mai Tiberia nako rarikin te tabo are a kang kariki iai aomata i mwin ana tataro ni katituaraoi te Uea.

1.I-Korinto 7:30

ao te koraki ake a katumaua te tang b'a aongkoa a aki, ao ake a kim'areirei b'a aongkoa a aki kim'areirei, ao ake a bob'ai b'a aongkoa a aki b'aini baike a kaboi;

1.I-Tetaronike 4:13

Ti aki tangiringkami taari, b'a kam na aki atai aroia aika mate, b'a kam aonga n aki nanokawaki, n ai aroia tabem'aang akana akea aia kaantaninga.

Ebera 2:17

Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.