Ruka 6:6 - Te B'aib'ara

⁶ N te Taabati teuana, ngke E rin Iesu ni m'aneabaia I-Iutaia ao E reireia aomata iai; ao e mena ikekei temanna ae e mate baina ae ataina.

Ruka 6:6 ပူးပေါင်းရင်းမြစ်များ

1.Uea 13:4

Ao e kotea te burabeti Ieroboam ao e takaarua ni kaangai, Taua Ma e bae bain Ieroboam n aki konaa ni kakam'akuri.

Tekaria 11:17

Taani kaawakin tiibu aika a akea manenami, aika kam kakeaia tiibu! Au kaantaninga b'a e na kam'aukua anganibaimi te kabaang ma ni kamataki matami.

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Ruka 13:10

E reirei Iesu ni m'aneabaia I-Iutaia teuana n te Taabati.

Ruka 14:3

Ao E taetae Iesu nakoia rooia ma B'aritaio, ni kangai, “E riai n taekan te Tua b'a e na karaoaki te m'akuri ni kamaiu n te Taabati, ke e aki?”

Ruka 4:16

Ao E roko i Natareta, are te tabo are E kaikawaki iai; ao n aron are E kakaraoia, E nako ni m'aneabaia I-Iutaia, n te bong ae te Taabati,

Ruka 4:31

Ao E nako Kaberenaum are kawani Kariraia, ao E reireia aomata iai n te Taabati;

Ruka 6:1

N te bong ae te Taabati, ngke E ri nukan nnen te aroka ae te uita Iesu ma ana reirei, ao a anai uaa n uita ana reirei, a bubui i baiia, ao a kang.

Ruka 6:5

E a manga taku riki nako ia, “Natin te aomata bon Uean te Taabati.”

Ioane 5:3

A wene n taabo aikai aoraki aika bati; iai naba i buakoia aika matakii ma aika m'auku, ao aika mate b'ain rab'ataia.

Ioane 9:16

Ma ngaia are, a taku tem'angina irouia B'aritaio, “Te aomata are karaoa aei bon tiaki mairoun te Atua, b'a E aki kawakina tuan te Taabati.” Ao tem'angina a taku, “E na kanga ni kona ni karaoi m'akuri aika kamimii aika ai aron aei te aomata ae buakaka?” Ao a aki boraoi n aia iango.