Ruka 6:49 - Te B'aib'ara

⁴⁹ Ma ane e ongo au taeka ma n aki tou mwiia, ao ai aron te aomata are katea te auti i aontano ma akea aana ae kabongana; e neakinaki te auti n te raanga ao e a b'aka naba, ao e korakora uruakina!”

Ruka 6:49 ပူးပေါင်းရင်းမြစ်များ

Taeka n Rabakau 28:18

E na kaawakiniko te raoiroi, ma a na bane ni b'aka aomata nako akana a aonikai.

Etekiera 33:31

Ma ngaia are, a bane n roko n ongora irou, ma a rawa ni karaoa te b'ai are I tuangiia. A taku b'a a bon kakaonimaki, ma a bon teimatoa ni kataia ni baabakanikawai aia m'ane aomata tabem'aang.

Otea 4:14

Ma I aki katuaaia. Boni ngkami aika m'aane aika kam riai ni bukinaki, i bukina b'a kam nako ni kawariia ainen matawa ao kam anga karea ma ngaiia n aia baangota nako beekan. E na uotingkami nanobabami nakon uruakami.

Mataio 23:3

ma ngaia ae kam na kawakini baikana a tuangngkami ao karaoi, ma tai kakairi i rouia n aia m'akuri: b'a a reireingkami baika kam na karaoi, ma a aki kona ni karaoi ngaiia.

Mataio 24:10

Ane a na akea aia onimaki aomata aika bati, ao ane a na i kam'am'ane ao a na i kairiribai.

Mareko 4:17

Ma te taeka aei, e aki tiku ni maan i nanoia, b'a e aki matoatoa i nanoia. Ma ngaia are ngkana e roko te kanganga ke te b'ainikirinaki i bukin ana taeka te Atua, ao a b'aka naba.

Ruka 12:47

Ao te toro ae e ata nanon ana mataniwi, ma akea ana kekeiaki nakoni karaoana, e na oreaki ni karawataaki.

Ruka 19:14

Ma e ribaaki teuarei irouia ana aomata, ao a kanakoia taan taetae i bukiia b'a a na ri mwina, ao a na atongi taeka aikai n te aba are e mena iai teuarei: “Tiaki tangira teuaei b'a e na uea i aora.”

Ruka 19:27

Ao i bukiia taan ribaai akanne, akana a aki tangirai b'a N na tautaeka i aoia, kairiia mai, ao tiringiia i matau.”

Ruka 6:46

“E aera ngkai kam atoatonga ae kangai nako Iu: ‘Te Uea, te Uea,’ ao kam aki ira nanon te bae I tuangngkami?

Ruka 6:48

Ai aron te aomata are katea ana auti. E kena aontano ni kananoa, ao e kawenea iai aan ana auti i aon te b'a; ngke e roko te raanga, ao e neakina te auti arei te raanga, ma e aki kona ni kam'aeia, i bukina b'a e a tia ni katea raoi ana auti te aomata arei.

Ruka 7:1

Ngke a bane baike E kan taekin Iesu nakoia aomata, ao E nako Kariraia.

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

M'akuri 20:29

I ataia b'a i mwin nakou ao ane a na roko i buakomi aomata aika ai aroia kameanti aika tiritiri, n aki karaua te ekaretia;

M'akuri 26:11

Ao I aki toki ni karaoi m'akuri n iowawa nakoia i nanoni m'aneabaia I-Iutaia ni kabane, ao I kairoroia b'a a na kakeaa onimakinan Iesu. E korakora ribakiia i rou, n te aro are I bon nako naba ni kaawa ake a raroa riki ni b'ainikiriniia iai.

1.I-Tetaronike 3:5

Ma ngaia arei, ngke I aki kona ni kamaanai riki n taona nanou, ao I kanakoa Timoteo nako imi b'a I aonga n ata aron ami onimaki; b'a I raraoma ngkana tao kam a tia ni kairaki iroun te tia kariri, ao a matebuaka ara m'akuri.

2.Betero 2:20

B'a ngkana a a tia ni butaki nako mani kam'arani b'ain te maiu aei, n ataakin te Uea are te Tia Kamaiu are Iesu Kristo, ao ngkana a manga mangao i buakoia ma n tae aia kai iai, ao n tokiia a buakaka riki aroia nakon are rimoa.

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.