Ruka 6:48 - Te B'aib'ara

⁴⁸ Ai aron te aomata are katea ana auti. E kena aontano ni kananoa, ao e kawenea iai aan ana auti i aon te b'a; ngke e roko te raanga, ao e neakina te auti arei te raanga, ma e aki kona ni kam'aeia, i bukina b'a e a tia ni katea raoi ana auti te aomata arei.

Ruka 6:48 ပူးပေါင်းရင်းမြစ်များ

2.Tamuera 22:2

Ara UEA ao Atuara, bon te b'a Ngkoe ae Ko korakora, au nono, ao te tia kaawakinai.

2.Tamuera 22:32

Bon ti Ngkoe te Atua! Bon ti ngkoe te b'a ae e korakora.

2.Tamuera 22:47

Ko boni maiu te UEA! N na neboiko! Bon au b'a Ngkoe ae e korakora. N na neboiko i bukin am m'akuri ni kamaiuai.

2.Tamuera 22:5

E otab'aniniai kaanga marawa te mate, ao I kurimaraa ni kab'autaki n te ieka.

2.Tamuera 23:3

E taku nako iu Atuan Iakob'a Au b'a ae e korakora, E karaoa ae e raoiroi te tia tautaeka ae e ongotaeka nakon te Atua

Taian Areru 32:6

Ma ngaia ae a riai akana tangiriko n tataro nakoim n taai ake a kai nanoia iai; Ao ngkana a roko kaangaanga b'a kanga ai aron rokon te ieka, Ao a na bon aki rotaki iai.

Taian Areru 62:2

Ti Ngaia katanau ao buokau; Ngaia ae kamanoai, ao N na aki kona n taenikai.

Taian Areru 95:1

Nako mai, ti na anene nakon te UEA! Ti na anene ni kim'areirei nakon te Atua, are kakawakinira man te kabuanib'ai!

Taeka n Rabakau 10:25

A na mauna nako aomata aika a buakaka aikai a ngkana e roko te angibuaka n oroia, ma e na kaawakiniia ni kabane aika a ongotaeka i rouna te Atua.

Itaia 26:4

Ma ngaia are, onimakina te UEA n taai nako b'a bon ara b'aa ae e korakora

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Naum 1:8

E kamaunaia ana kairiribai n ai aron rokon te ieka. E kamateia ake a kakaitaraa.

Ruka 6:47

Te aomata ane nako Iu ao e ongo au taeka ma n tou mwiia, ao N na tuangngkami arona.

Ruka 6:49

Ma ane e ongo au taeka ma n aki tou mwiia, ao ai aron te aomata are katea te auti i aontano ma akea aana ae kabongana; e neakinaki te auti n te raanga ao e a b'aka naba, ao e korakora uruakina!”

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

I-Ebeto 2:20

Kam kateaki i aon taiani boua ake taan tuatua ma burabeti; ao Kristo Iesu boni Ngaia te atibu are bouan te maninganinga are moan te kakannato;

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.

Te Tua-Kaua 32:18

Kam rairaki nako mairoun te Atua, ae ami Tia Karikib'ai, kam m'aninga taekan te B'a ae Korakora, are bon oini maiumi.

Te Tua-Kaua 32:31

E ngae ngke a ataia ara kairiribai ae bon ti Atuara ae te B'a ae Korakora.

2.Timoteo 2:19

Ma te aana ae matoatoa are ana aana te Atua e bon aki kona ni kam'aingaki; ao a koreaki i aona taeka aikai: “E bon ataiia ana aomata te Uea” ao “A na bane ni kitana te buakaka akana m'anewea aran te Uea.”

2.Betero 1:10

Ma ngaia aei, taari, kam na rangi ni kekeiaki m'aaka ni kaotingkami ni maiumi b'a kam boni weteaki ma n rineaki; b'a ngkana kam karaoa aei, ao kam na bon aki b'aka.

1.Ioane 2:28

Ma ngaia aei, ngkami aika ataei aika kam uarereke, kam na nim ma Ngaia; b'a ngkana E a manga oki Kristo, ao ti na aki maaku ma ni kaota ae ti rangi ni mamaa i Rouna i matana.

Iuta 1:24

Ao ana b'ai Teuare kona ni kawakiningkami b'a kam na aki b'aka, are kona naba ni kaakingkami i matana ni mimitongina b'a aomata aika itiaki ma ni kim'areirei,

1.Tamuera 2:2

Bon akea riki te atua n ai arom. Ao mai rouna ti a kamaiuaki nakon aon te maunga.