Ruka 6:47 - Te B'aib'ara

⁴⁷ Te aomata ane nako Iu ao e ongo au taeka ma n tou mwiia, ao N na tuangngkami arona.

Ruka 6:47 ပူးပေါင်းရင်းမြစ်များ

Itaia 55:3

Kakauongo raoi! Nakomai nako iu ao ko na maiu. N na berita nakoim i bukin te tangira ae akea tokina ao te kakaonimaki n aron are I berita iai naba nakon Tawita.

Mataio 12:50

B'a ane toua mwin ana taeka Tamau are i karawa, ao bon tariu, ao m'aneu, ao tinau.”

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Ruka 11:28

Ao Ngaia E kangai, “Te koaua, ma a kab'aia riki akana ongo ana taeka te Atua ao a kawakinna!”

Ruka 14:26

Ngkana iai ae kan riki b'a au reirei ma e aki riba tamana ma tinana ma buuna ma natina ma tarina ma m'anena, ma n aki riba naba maiuna, ao e aki kona n riki b'a au reirei.

Ruka 6:48

Ai aron te aomata are katea ana auti. E kena aontano ni kananoa, ao e kawenea iai aan ana auti i aon te b'a; ngke e roko te raanga, ao e neakina te auti arei te raanga, ma e aki kona ni kam'aeia, i bukina b'a e a tia ni katea raoi ana auti te aomata arei.

Ruka 8:13

Ao ake i aon te ririb'a bon te koraki ake a ongo te taeka ao a kaaki i nanoia ma te kim'areirei; ti te bo te koraki aei ma koraa ake akea wakaaia: a onimaki i nanon te tai ae aki maan, ma ngke a kaririaki ao a b'aka.

Ruka 8:8

Ao a b'aka tabeua i aon te tano ae raoiroi ao a riki rake, ao a kariki uaa aika tatabebubua. Ao E kanenea riki b'anaana ao E taku, “Ane iai taningana n ongo, ao ke e ongo!”

Ioane 10:27

A ongo b'anaau au tiibu, ao I kinaia, ao a irirai.

Ioane 13:17

Ngkana kam atai baikai, ao kam a kab'aia ngkana kam karaoi.

Ioane 14:15

“Ngkana kam tangirai, ao kam na tou mwin au tua.

Ioane 5:40

ma kam aki kan nako iu b'a e kaawa n reke iroumi te maiu are aki toki.

Ioane 6:35

E taku Iesu nakoia, “Boni Ngai te am'arake ni kamaiu; ane nako iu ao e na bon aki manga kona ni baki, ao ane onimakinai ao e na bon aki taka.

Ioane 6:37

Aomata nako akana E anganai te Tama ao a na bane nako iu. N na bon aki kona n tannako mairoun ane nako iu.

Ioane 8:52

A taku I-Iutaia nakoina, “Ti a ataia raoi ngkai b'a iai iroum te taimonio! E mate Aberaam, ao a mate naba burabeti; ao Ngkoe ko kaangai, Ane ongeaba nakon au taeka, ao e na bon aki mate.

Ebera 5:9

ao ngke E a bobonga raoi arona, ao E riki iai b'a te tia karika te maiu are aki toki nakoia ni kabaneia aika ira nanona;

Iakobo 4:17

Ma ngaia aei, b'a ane ata aroni karaoan ae riai, ma n aki karaoia, ao e boni bure iai.

1.Betero 2:4

Kam na nakoina, nakon Teuare kanga ai aron te atibu ae maiu, ae kakiaki bonganana irouia aomata, ma E rineaki iroun te Atua b'a e kakawaki.

2.Betero 1:10

Ma ngaia aei, taari, kam na rangi ni kekeiaki m'aaka ni kaotingkami ni maiumi b'a kam boni weteaki ma n rineaki; b'a ngkana kam karaoa aei, ao kam na bon aki b'aka.

1.Ioane 2:29

Ngkana kam ataia b'a E kakaraoa nanon te Atua, ao kam ataiia naba akana kakaraoa nanon te Atua b'a a bane ni bungiaki mai Rouna.

1.Ioane 3:7

Ataei aika uarereke, e na tai m'am'anaingkami temanna: b'a ane b'ab'aina te atataiaomata, ao e bon atataiaomata;

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.