Ruka 6:45 - Te B'aib'ara

⁴⁵ E kaoti baika raraoi te aomata ae raoiroi mani b'ain nanona aika raraoi; ao e kaoti baika bubuaka te aomata ae buakaka mani b'ain nanona aika bubuaka. E taetae te wii man onraken te nano.

Ruka 6:45 ပူးပေါင်းရင်းမြစ်များ

Taian Areru 140:5

A tia aomata aika a kainikatonga aikai ni karabai taian b'ainikam'ane ao taiani karaun b'a a na kam'aneai ngkana I nakonako.

Taian Areru 59:12

A bure n aia taeka ni kabane: Ke a m'ane n aia kainikatonga. Ao i bukin aia karereanti ma kewekewe,

Taian Areru 59:7

Ongora ni b'anaaia ni kamaraki nano. Ai aroni kabaang neweia i nanoni wiia, ao a taku n aia iango b'a akea ae e ongo b'anaaia.

Taeka n Rabakau 12:18

E korokoro kaanga te kabaang te taeka ae akea nanoia, ma e kamaiua te aba te taeka ni wanawana.

Taeka n Rabakau 15:23

E boni kakukureia aomata nako te anga te taeka n te tai ae e riai.

Taeka n Rabakau 4:23

Karaua raoi kaawakin am iango b'a bon anne boton te maiu ni koaua.

Ioane 7:38

Ane onimakinai, ao a na raanga nako karaanga n ran ni kamaiu mai nanona, n ai aron taekana n te B'aib'ara.”

M'akuri 5:3

E taku Betero nakoina, “Anania, e aera ngkai e anaaki nanom iroun Tatan b'a ko na kewe nakon te Tamnei are Raoiroi, ao b'a ko na taua teutana man te m'ane are boon te aba?

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

I-Ebeto 4:29

E na tai oti nako te taeka teuana ae kam'ara mai wiimi, ma e na oti nako te taeka ae e raoiroi ae na buokiia aomata ni kain nanoia, ao a na reke kab'aiaia iai akana ongo.

I-Ebeto 5:19

Kam na i taetae temanna nakon temanna, n taekan Taian Areru, ma anene ma kuuna aika kam kairaki iai iroun te Tamnei are Raoiroi; anenei ma nanomi taian anene ma taekan Taian Areru nakon te UEA;

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

I-Korote 4:6

A na tangiraoi ami taeka n taai nako, ma ni kakan ongora; ao kam riai n ata te kaeka ae riai nakon temanna ma temanna.

Ebera 8:10

B'a aio te boraraoi ae N na karaoia ma te botannaomata ae Iteraera i nanoni boong aika na roko, bon ana taeka te Uea: N na karin au tua i nanon aia iango, ao N na koroi i nanoia. N na riki b'a Atuaia, ao ngaiia a na riki b'a au aomata.

Iuta 1:15

b'a E na motiki taekaia aomata ni kabaneia, ni kabuakakaia ni kabaneia akana aki reitaki ni maiuia ma te Atua, i bukin aia m'akuri ni kabane aika akea karinean te Atua iai, ake a tia ni karaoi n aki reitaki ma ana kaantaninga te Atua, ao i bukin taeka ni kamaraki nano aika a bukinna iai taani bure aika aki reitaki ma te Atua ni maiuia!”