Ruka 6:41 - Te B'aib'ara

⁴¹ E aera b'a ko nora te maange ae moan te uarereke i nanoni matan tarim, ao ko aki nora te oka ane i nanoni matam?

Ruka 6:41 ပူးပေါင်းရင်းမြစ်များ

1.Uea 2:32

E tiringiia m'aane aika akea aia bure n te aro ae e aki ataaki iroun tamau. A raoiroi riki m'aane aikai nakon Ioaba.

1.Rongorongo 21:6

E rawa ni kariniia kaain te baronga are Rewi ao Beniamin Ioaba, i bukina ngke e aki boraoi ana iango ma ana babaaire Tawita.

Taian Areru 36:2

E kamoamoaa ni karangnga i bon i rouna, n ribaa oin aia bure ke ni bon noraki iai.

Ieremia 17:9

Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

Etekiera 18:28

A na iangoi baike a tia ni karaoi ao a na katoka karaoan te bure, b'a aonga n aki tiringaki.

Mataio 7:1

Tai motiki taekaia aomata ni kabuakakaia, b'a E kawa ni motikaki taekami ni kabuakakaki iroun te Atua.

Mareko 8:7

Iai naba i rouia tabeman te ika; ao ngke E a tia n tataro ni katituaraoi i bukiia, ao E tuangiia ana reirei b'a a na kaki naba i mataia aomata.

Ruka 6:40

E aki kakannato riki are reireiaki i aon ana tia reirei, ma ngkana a bane n reireiaki raoi aomata ao ane a na katotonga aron aia tia reirei.

Ruka 6:42

Ao ko kanga n rabakau ni kangai nakon tarim, “Tariu, N na kaaki te maange ane uarereke mai nanoni matam,” ngkai ko aki kona te nora te oka ane i nanoni matam? Te tia m'am'ana-te-aba, ko na kaaki moa te oka ane i nanoni matam, ao ko a tib'a konaa n nora raoi kanakoan te maange ae uarereke mai nanoni matan tarim.

Ioane 8:7

Ngke a aki toki n titirakinna, ao E teirake, ao E taku nakoia, “Ane tuai meni bure i buakomi, ao e na karea moa neiei n te atibu!”

I-Rom 2:1

Ma ngaia ae bon akea aonam, ngkoe ae te aomata ae ko taku n am baire b'a a buakaka aomata nako: b'a ane ko taku b'a e buakaka, ao ko boni motika naba iai taekam ni kabuakakako, i bukina b'a ngkoe ae ko kabuakaka ko boni karaoi naba baikai.

Iakobo 1:24

b'a e tirotiroia, ao e nako, ao e a m'aninga naba ngkekei tein taraana.