Ruka 6:38 - Te B'aib'ara

³⁸ B'aina te angaanga, b'a te Atua e na bon manga anganiko; ane e na kanoaaki rabin kunnikaimi ni kaonrakeaki. E na kaibeaki, e na ioioaki, ao e na taonako kanoana. B'a te baire are kam anga ao ane kam na manga anganaki.”

Ruka 6:38 ပူးပေါင်းရင်းမြစ်များ

2.Tamuera 19:36

N na ri nanon te karaanga ma ngkoe, ma N na aki konaa ni kararoa te kawai n te itera are teuana. Ko riai n aki rangi ni kabanea am tai n akoai.

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Etita 9:25

Ma e nako Nei Etita ni kawara te uea, ao te uea e katanoataa ana taeka are e na karawaawataaki iai Aaman i bukin ana babaaire nakoia I-Iutaia, ao e tiringaki ma natina m'aane ni kabaeaki roroaia i aon te kainikabaeroroa.

Iobi 42:11

Ao a bane n roko tarin Iobi ma m'anena ni kawaria n am'arake ni kukurei ma ngaia n ana auti. A kaota reitakiia n te rawawata, ma ni kabebetea i bukin taiani kangaanga ake E karokoi te UEA i aona. Ao Ngaiia n tatabemaniia nako, a anganna tabeua te m'ane, ao te m'am'a te koora.

Taian Areru 79:12

Te Uea, kaitiua te tai nakoia botannaomata booni mwin aia taetae n iowawa ni kabane nakoim.

Te Otinako 21:24

te mata boona te mata, ao te wii boona te wii, te bai boona te bai, ao te wae boona te wae,

Taeka n Rabakau 10:22

Ngkana e kakab'aiaingkami te UEA n taiani kaub'ai, ao bon akea te b'ai ae kam na raraomaeakinna.

Taeka n Rabakau 19:17

Tararuaakin te kainano bon te angab'ai nakon te UEA, ao ane kam na manga kabooaki raoi.

Taeka n Rabakau 22:9

E kakab'aiaia aomata nako te UEA akana a anga te am'arake n akea boona nakoia aomata aika a maiu ni kainano.

Ieremia 32:18

Ko kaota am akoi nako ia roro aika ngaa, ma ko bon katuaaia aomata i bukin aia bure aia karo. Bon te UEA Ngkoe ae Moan te M'aaka.

Mataio 10:42

Ao ane anga ti te m'angko n ran ae m'aitoro nakon temanna i buakoia aika uarereke aikai ngkae e atongaki b'a au reirei, ao e koaua ae I a tuangngkami b'a e na bon anganaki kaniwangana.

Mataio 7:2

B'a te motikitaeka ni kabuakaka are kam kabongana i bukiia aomata, ao ane E na manga motiki taekami ni kabuakakaingkami iai te Atua; ao kawai ake kam kabonganai b'a b'aini bairean motikan taekani kabuakakaia, E na kabonganai te Atua b'a b'aini baireani motikan taekami ni kabuakakaki.

Mareko 4:24

Ao E a manga taku nako ia, “Kam na karaua n iangoa ae kam ongo! B'aai ni baire ake kam kabonganai b'a b'aini motikan taekaia tem'angina i roumi, a na manga kabonganaki iroun te Atua b'a b'aini motikan taekami i Rouna-ma a na kakorakoraki riki nako imi.

Ruka 6:30

Aanga nakon ane butiiko; ao tai tangiri am b'ai b'a a na kaokaki mairoun ane kani uoti nako.

Te Tua-Kaua 15:10

Kam na riai ni kukurei n anganiia aika kainano baika a tangiria, b'a i mwiina, ane E na kakatekeraoingkami te UEA ni b'aai ni kabane aika kam karaoi.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Tani Motiki-taeka 1:7

ao e taku, “I a tia ni koroi waebuan baiia ma waeiia uea ake itingaun ma ni karaoia b'a a na kawakawa i aan au taibora i bukin kakaean kanaia. Ao ngkai E a kabooa mwiin aei te UEA nako iu.” Ao a kaira uean Beteka tautian Iuta nako Ierutarem, ike e a mate iai.