Ruka 6:30 - Te B'aib'ara

³⁰ Aanga nakon ane butiiko; ao tai tangiri am b'ai b'a a na kaokaki mairoun ane kani uoti nako.

Ruka 6:30 ပူးပေါင်းရင်းမြစ်များ

Taian Areru 112:9

E tituaraoi n anganga nakoia aika a kai nanoia, Ao akea tokin ana ataataiaomata; e na rikirake ni kamoamoaki n arona ma ni karineaki irouia aomata.

Taian Areru 41:1

A kab'aia akana mutiakiniia akana akea aia b'ai; E na buokiia te UEA ngkana a reke n te kaangaanga.

Taeka n Rabakau 19:17

Tararuaakin te kainano bon te angab'ai nakon te UEA, ao ane kam na manga kabooaki raoi.

Taeka n Rabakau 21:26

Ma a tituaraoi n taai nako, aomata aika a ongotaeka iroun te Atua.

Taeka n Rabakau 22:9

E kakab'aiaia aomata nako te UEA akana a anga te am'arake n akea boona nakoia aomata aika a maiu ni kainano.

Te Minita 11:2

Tib'ai nako baikana iai iroum nakoia itiman aomata ke waniman, b'a ko aki kona n ataa te tai ae e na roko iai te kabuanib'ai ae e karina.

Te Minita 8:16

I aki mamatu ni bong ao ni ngaina, b'a I kan ataia b'a tera ae e riki ngkai n te aonnaba aei.

Mataio 18:35

Ao anne naba aron are E na karaoia nako imi Tamau are i karawa ngkana kam aki kab'ara aia bure tarimi mai nanomi.

Mataio 5:39

ao Ngai I taku nako imi, Tai karaoa te b'ai ae buakaka nakon te aomata are karaoa ae bure nako im b'a booni mwin are e a tia ni karaoia; ma ane booa tabam ane mai ataim, ao raira tabam ane mai maingim b'a e na booia naba;

Mataio 6:12

Ao Ko na kab'ara ara bure mai roura, n ai arora ngkai ti kab'ara aia bure akana bure nako ira;

Ruka 11:41

Ma kam anga b'ai ake i nanon ami m'angko ma ami raurau b'a b'aai n akoi; ao noria, a bane n itiaki b'ai ni kabane i bukimi.

Ruka 12:33

Kam na kabo nako ami b'ai, ao anga m'aneia b'a b'ai n tituaraoi nakoia akana akea aia b'ai; kareke ami b'auti-ni-m'ane aika na aki riki ni m'ane, ma baika kakawaki aika na aki kona ni bane i karawa, ike e aki rooroko iai te tia iraa, ao e aki ururu b'aai iai te koa.

Ruka 18:22

Ngke E ongo aei Iesu, ao E taku nako ina, “Teuana riki te b'ai ae akea i roum, Kabooi nako am b'ai ni kabane akana iai i roum ao tib'atib'ai booia nakoia aomata akana akea aia b'ai, ao ane na reke i roum iai am b'ai i karawa; ao nako mai, irirai.”

Ruka 6:29

Ane orea tabam teuana ao anganna naba tabam ane teuana b'a e na oreia; ao tai rawa n anga am kauatao ni kabaraaki nakon ane e anaa am kabaraaki ane i aan am kauatao.

Ruka 6:31

Karaoa naba nakoia aomata te baere ko kaantaningaia b'a a na karaoia nako im.

Ruka 6:38

B'aina te angaanga, b'a te Atua e na bon manga anganiko; ane e na kanoaaki rabin kunnikaimi ni kaonrakeaki. E na kaibeaki, e na ioioaki, ao e na taonako kanoana. B'a te baire are kam anga ao ane kam na manga anganaki.”

M'akuri 20:35

I a tia ni kaotia nakoimi n aaro nako b'a ti riai ni buokiia aika mamara n te aro aei, ae te bekutata, n aki m'aninga ana taeka te UEA are Iesu, are kaangai, “E kakab'aia riki te anga nakon te anganaki.”

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.

I-Ebeto 4:28

Ke e tai manga iraa te tia iraa; ma e na m'akuri, ni karaoa te bae raoiroi ni baina, b'a e aonga ni kona ni buokanib'ai n are e karekea ma ane e kai nanona.