Ruka 6:21 - Te B'aib'ara

²¹ Kam a kab'aia ngkami akana kam baki ngkai, b'a ane kam na nuai. Kam a kab'aia ngkami akana kam tanginiwenei ngkai, b'a ane kam na ngarengare!

Ruka 6:21 ပူးပေါင်းရင်းမြစ်များ

Karikani B'aai 17:17

Ao e bobaraaki Aberaam ni kabo matana ma aontano, ma e ngare n ana iango ae kaangai, “E koaua b'a e kona ni kariki te aomata ngkana ai tebubua ana ririki ni maiu? E kona ni kariki Nei Taara ngkai ai ruabwi ana ririki?”

Karikani B'aai 21:6

Ao e taku Nei Taara, “E a tia ni kakukureiai ma ni kangarengareai te Atua. Naake a ongo naba aei, a na ngare naba ma ngai.

Taian Areru 107:9

E katoki takaia akana kani moi, ao E kanuaia akana baki ni baika raraoi ake a kang.

Taian Areru 119:136

A waanako rannimatau kanga ai aron raangan ranin te karaanga, B'a a aki ongeaba aomata nakon am Tua.

Taian Areru 143:6

I tabeki rake baiu n tataro nakoim; e kai nanou n tangiram, kanga ai aron te tano ae m'auteretere ni kainanoa te ran.

Taian Areru 17:15

Ao ngai, ae N na noriko, b'a akea au bure ae I karaoia; N na kukurei n norani buram ngkana I uti.

Taian Areru 28:7

Boni korakorau te UEA ao otangau; I onimakinna. E anganai buokau, ao E kakukureiai. I anene ma te kim'areirei ni kamoamoaa.

Taian Areru 65:4

A kab'aia aomata ake Ko rineia, ake Ko kairiia b'a a na maeka i nanon on am Tembora. Ti na rauaki ni baika raraoi aika b'ain am Auti, are taiani kakab'aia i bukin am Tembora are Tabu.

Itaia 25:6

E na katauraoi am'arake aika a rangi n raraoi te UEA ae Moan te M'aaka i bukin te baka n am'arake i bukiia botannaomata. A na kabutaki wain aika a rangi n raoiroi ao iriko ni man aika kabanea n tamaroa.

Itaia 30:19

Kaain Ierutarem, kam a aki riai ni manga tang riki. E akoi te UEA ao ni bon te tai naba are E ongo iai tangimi n tangira buokami, ao e a roko naba.

Itaia 66:10

Kukurei ao takaarua, ngkana kam tangira Ierutarem! ngkana kam nanokawaki i bukina ngkoa kam na kakatonga ngkai.

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Ieremia 31:25

A na manga reke maiuia ma korakoraia koraki akana a kua ma ni kainano,

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

Etekiera 7:16

A na biri nako akana a reke maiuia nakon taian tabuki, kaanga taian taobe aika a kiitan taiani m'arua ni kakaaea kamaiuaia. Kam na bane n tang i bukin ami bure.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Mataio 5:4

A a kab'aia akana nanokawaki, b'a a na kabebeteaki nanoia.

Mataio 5:6

A a kab'aia akana b'aruua te raoiroi mani kani mooi iai b'a a na ngae.

Ruka 1:53

E katoki nanoia akana aki kaub'ai ni baika raraoi, ao E kanakoia akana kaub'ai n aki kab'aib'aia.

Ruka 6:20

E tabeki matana n taraia ana reirei, ao E taku, Kam a kab'aia ngkami akana kam aki kaub'ai, b'a ami b'ai uean te Atua!

Ruka 6:22

Kam a kab'aia ngkana a ribaingkami aomata, ao ngkana a katinanikuingkami ma n taetaebuakaingkami, ao ngkana a atong arami b'a aara aika kam'araa, i bukin onimakinan Natin te Aomata i roumi!

Ruka 6:25

A na reke kaimi ngkami akana kam ngae, b'a ane kam na baki! A na reke kaimi akana kam ngarengare ngkai, b'a ane kam na tanginiwenei ao kam na katumaua te tang!

Ioane 11:35

A wawa nako ranni matan Iesu.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 6:35

E taku Iesu nakoia, “Boni Ngai te am'arake ni kamaiu; ane nako iu ao e na bon aki manga kona ni baki, ao ane onimakinai ao e na bon aki taka.

1.I-Korinto 4:11

Ma ngkekei ni karokoa ngkai ao ti baki ma n taka; e kaan ae ti nang aki kunnikaira; ti oreaki; ao ti tuai n tekateka ni maeka;

2.I-Korinto 11:27

ao kanganga naba man te m'akuri ae kakua, te aki mamatu n tairiki aika bati, te baki ma te taka, te aki mamatam i nanon taai aika bati, te mariri, ao aki tauni m'aitini kunnikaiu i aou.

2.I-Korinto 12:10

Ma ngaia ae I kukurei n taiani mamara, ma taetae n iowawa, ma kainano, ma b'ainikirinaki, ma kanganga i bukini Kristo; b'a ngkana I mamara, ao I a korakora iai.

2.I-Korinto 6:10

ngke ti taonaki n te rawawata n nano, ma ti aki toki ni kukurei; ngke ti riki b'a kanga aomata aika akea aia b'ai, ma ti karikirakei aroia aomata aika bati b'a a na kaub'ai; ngke ti riki b'a ai aroia akana akea aia b'ai, ma ti b'aini b'aai nako.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Te Kaotioti 21:3

Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.

Te Kaotioti 7:16

Ane a na aki manga baki, ao a na aki manga taka; ao e na aki manga riringa taai i aoia, ao a na aki rotaki ni kabuebuena;