Ruka 6:12 - Te B'aib'ara

¹² Ni boong akekei, ao E nako Iesu nakon te maunga b'a E na tataro iai, ao E kangainaa n tataro nakon te Atua.

Ruka 6:12 ပူးပေါင်းရင်းမြစ်များ

Taian Areru 22:2

Atuau, I weteiko ni ngaina ao ni bong, ma Ko aki kaekaai; ma ngaia ae I aki kona n rau.

Itaia 26:9

E kakaaeko nanou inanou ngke e bong, i bukina ngke e kaotaia aomata nako n te aonnaba aei aron maiuia ae e eti.

Taniera 6:10

Ao ngke e ataia Taniera b'a e a tia n tiainaaki te tua arei, ao e a nakoni mwengana. Ao iai wintoon ana auti ae e uki ni kaitaraa Ierutarem. Ao e nako ni katorobubua i matan te winto, ao e tataro nakon te Atua. E tataneiai n tataro tenua te tai n te bongina.

Mataio 5:1

Ngke E noriia aomata aika rangi ni m'aiti Iesu, ao E ararake n te maunga, ao E tekateka, ao a nako Ina ana reirei;

Mataio 6:6

Ma ngkana ko tataro, naako rin n am ruu, ao kaina te mataroa, ao tataro nakon Tamam ae raba; ao E na anganiko Tamam ae raba te b'ai n tituaraoi b'a am b'ai.

Mareko 1:35

N te bong are i mwina, n te tai ae boni maan i m'ain otin taai, ao E uti, ao E oti nako, ao E nako n te tabo ae akea te maeka iai, ao E tataro iai.

Mareko 3:13

Ao Iesu E nako aon te maunga, ao E weteia uake E kani weteia, ao a roko i Rouna.

Mareko 6:46

Ao ngke E kitaniia aomata, ao E nako n te maunga b'a E na tataro.

Ruka 5:16

Ma E kam'awa Iesu mai buakoia aomata ao E nako n tataro n taabo ake aki maekanaki.

Ruka 6:11

A rangi n un ao a iango i rouia b'a tera ae a na karaoia nakon Iesu.

Ruka 6:17

Ao E ruo Iesu man te maunga ma uake tengauni ma uoman ao E tei n te tabo ae aoraoi ni botaki ma ana reirei aika rangi ni m'aiti ao aomata aika bati ake a roko mai Iutaia ao Ierutarem ao man taabo ake i rarikin taari i Tuuro ao i Titon. A roko b'a a na ongora iroun Iesu ao a na kamaiuaki man aorakiia;

Ruka 9:18

Ti Iesu n tataro n te tai teuana ngke a roko i Rouna ana reirei; ao E titirakiniia ni kangai, “A taku aomata b'a antai Ngai?”

Ruka 9:28

Tao wanibong i mwin ana taeka Iesu akekei, ao E kaira Betero ma Ioane ma Iakobo, ao E ararake nako aon te maunga b'a E na tataro iai.

Ruka 9:29

Ngke E tabe n tataro, ao E onikaki aron taraan ubuna, ao e riki ni mainaina man raneanea kunnikaina.

Ioane 6:3

E ararakea te maunga ae aki rietaata Iesu ma ana reirei, ao a tekateka iai.

I-Korote 4:2

Kam na tai toki n tatataro, ao kam na kamarurungngkami iai ni katituaraoi;

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.

1.Tamuera 15:11

“E a tia ni katoka arona n ongotaeka Tauro nako Iu, ao I kab'ara Au bure ngkai I karikia b'a te uea.” E rangi n un Tamuera, ao e tang n onon man tataro nakon te UEA ni kangainaa