Ruka 5:30 - Te B'aib'ara

³⁰ Ao B'aritaio ma taani koroboki a ngureakiniia ana reirei Iesu, ao a taku, “E aera ngkai kam am'arake ao ni mooi ni botaki ma taan anai taekiti ma aomata aika buakaka?”

Ruka 5:30 ပူးပေါင်းရင်းမြစ်များ

Itaia 65:5

Ao a taku nakoia tem'angina, “Kam na aki kaaniira! Ti katabuaki b'a a na aomata te Atua.” Kaanga taiani bubu aekaki n aomata aikai, aika a kamaraka b'airiu ni katoa bong.

Mataio 5:46

B'a ngkana kam tangiriia akana tangiringkami, ao tera te b'ai n tituaraoi ae kam na karekea iai? Tiaki a karaoa naba aei taan anai taekiti?

Mataio 9:11

Ngke a nora aei B'aritaio, ao a taku nakoia ana reirei Iesu, “E aera ngkae E am'arake ami Tia Reirei ma taan anai taekiti ao aomata aika buakaka?”

Mareko 2:16

Ao ngke a nora Iesu taani koroboki ma B'aritaio b'a E am'arake ma taan anai taekiti ma aomata aika buakaka, ao a taku nakoia ana reirei, “E aera ngkae E am'arake ma ni moi ma taan anai taekiti ma aomata aika buakaka?”

Mareko 7:3

B'a a aki kona n am'arake B'aritaio ma I-Iutaia ni kabaneia ngkana a aki teboki moa baiia n ai aron aia taeka n reirei aia bakatibu;

Mareko 9:16

Ao E kaekaia Iesu ni kangai, “Tera ae kam kauntaekaia ma ngaiia?”

Ruka 18:11

E tei te B'aritaio n tataro i rouna ni kangai, “Te Atua, I kaitauko b'a tiaki aroia aomata nako ngai, aika a anai b'aai n te aro ni babakanikawai, a aki b'aina te eti, ao taani wene ni bure, ao tiaki naba aron te tia anai taekiti aei ngai.

Ruka 19:7

Ao a bane ni ngurengure aomata ake a noria, ao a kangai, “E nako n rin b'a E na iruwanaki iroun te aomata ae te tia bure.”

Ruka 5:17

Ao n te bongina, ngke E tabe n reirei Iesu, ao iai B'aritaio ma taan reirei taekan te tua ake a tekateka ni kaan ma Ngaia. A roko mani kawan nako Kariraia ao Iutaia, ao mai Ierutarem; ao iai i Rouna m'aakan te Atua are E kona iai ni kakamaiu.

Ruka 5:21

Ao taani koroboki ma B'aritaio a titiraki i nanoia ni kangai, “Antai Teuae taetae ni bakanatua aei! Bon tii te Atua ae kona ni kab'arai buure.”

Ruka 7:34

E roko Natin te aomata ao E am'am'arake ma ni momooi; ao kam kangai, “Nooria, te Aomata ae buabeka ao te tia korowawa ni mamanging; raoraoia taan anai taekiti ma aomata aika buakaka.”

Ruka 7:39

Ao te B'aritaio are kaoa Iesu, ngke e nora te baerei, ao e taku i nanona, “Ngke arona b'a te burabeti Teuaei, ao E na kaman ataia b'a antai te aine aei, ae riingnga, ao arona, b'a te aine ae buakaka.”

M'akuri 23:9

Ao e riki te takarua ae korakora; a teirake taani koroboki tem'angina ake raoia B'aritaio, ao a kauntaeka, ao a taku, “Akea aron teuaei ae buakaka ae ti kunea. E aki ngkoa ao tao e a tia n taetae nakoina te tamnei ke te anera!”