Ruka 5:3 - Te B'aib'ara

³ E toka i aon are tewaana, are ana booti Timon, ao E tuangnga b'a e na kabetia nako ni kararoa teutana ma mataniwin te nama. E tekateka i nanon te booti ao E reireiia aomata maiai.

Ruka 5:3 ပူးပေါင်းရင်းမြစ်များ

Mataio 4:18

Ngke E nakonako Iesu i rarikin namani Kariraia, ao E noriia taari mm'aane aika uoman, are Timon are arana teuana Betero, ao Anterea are tarina, ngke a kab'aka te karaun n te nama; b'a taan akawa ngaiia.

Mareko 3:10

B'a E a tia ni kamaiuia aomata aika m'aiti, ao ake a aoraki a karaneneiia n uai rokoia i Rouna, b'a a aonga n riingnga.

Mareko 3:9

Ao i bukina ngke a rangi ni m'aiti aomata, ao Iesu E tuangiia ana reirei b'a a na katauraoa te booti i bukina, b'a E aonga n aki karib'aki i rouia.

Ruka 5:2

E nori uowa te booti b'a a kakoroaki i mataniwin te nama; akea kaaia ake taan akawa b'a a tia n aerake, ao a kume ni kaitiaki aia karaun.

Ioane 8:2

Ngke e a tib'a moa n ingabong, ao E a manga oki nakon te Tembora. A bane nakoina aomata, ao Ngaia E tekateka ao E reireiia.