Ruka 5:26 - Te B'aib'ara

²⁶ A bane ni mimi aomata, ao a kamoamoa te Atua ma nanoia aika on n te maaku. A taku, “Ti a nori baika kamimii n te bong aei.”

Ruka 5:26 ပူးပေါင်းရင်းမြစ်များ

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Mataio 12:23

Ao a bane ni mimi aomata ao a taku, “Tao Natin Tawita” Teuaei?

Mataio 28:8

Ma ngaia are a kawaetataia n nako man te nne ni mate ma te maaku ao te kukurei ae bati, ao a biri nako n tuangiia ana reirei.

Mataio 9:8

Ngke a nora te baere riki aomata, ao a maaku, ao a kamoamoa te Atua are E a tia n angania aomata te m'aaka ae ai aron aei.

Mareko 2:12

Ao teuarei, e tei rake, ao e tabeka nnena ni wene n te tai naba arei, ao e oti nako i mataia te koraki akekei ni kabaneia; ma ngaia are a bane ni mimi, ao a kamoamoa te Atua ni kangai, “Ti tuai man nonora te aro aei ma rimoa!”

Ruka 1:65

Ao a rotaki n te maaku aomata nako ake a maeka i rarikin Takaaria ma Nei Eritabeta; ao a taekinaki baikai ni kabane n taabo ake a tabukibuki i Iutaia.

Ruka 5:8

Ngke e nora aron aei Timon Betero, ao e b'aka ni bobaraaki i rarikini waen Iesu, ao e taku, “Te Uea, naako mai rou, b'a te aomata ae I buakaka ngai!”

Ruka 7:16

Ao a bane n rotaki n te maaku; ao a kamoamoa te Atua ni kangai: “E kaoti te burabeti ae kakannato i buakora! Ao, E kawariia ana aomata te Atua.”

Ruka 8:37

Ao aomata ni kabaneia ake kaain te tabo are abaia I-Kerata, a bubutiia b'a E na kitaniia; b'a a taonaki n te maaku ae korakora; ma ngaia are E toka Iesu i aon te booti ao E kataua te nako.

M'akuri 4:21

Ao ngke a tia n taetae nakoia ni kakamakuia riki, ao a kanakoia, b'a akea te b'ai teuana ae a kunea are a na kareke kaiia iai, b'a a makuia aomata; b'a a bane aomata ni karaoiroa te Atua i bukin te baere e a tia n riki.

I-Karatia 1:24

Ao a neboa te Atua i bukin te baere E a tia ni karaoia i rou.