Ruka 5:24 - Te B'aib'ara

²⁴ B'a kam aonga n ataia b'a E konai ni kab'arai buure i aonnaba Natin te Aomata.” E taku nakon te naakibaina, I taku nako im, “Tei rake tabeka nnem ni wene ao nako ni mwengam.”

Ruka 5:24 ပူးပေါင်းရင်းမြစ်များ

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Taniera 7:13

I nanon mitaraeakinan baikai n te tairiki anne, I noora kaanga taraan natin te aomata Ao e tabe ni kawarai, ao e katobibiaki n taian nang, ao e nakon Teuare e maiu n akea tokina ao e tei i matana.

Mataio 16:13

E roko Iesu n aaba ake i rarikini Kaitareia Biribi, ao E titirakiniia ana reirei ni kangai, A taku aomata b'a antai Natin te Aomata?

Mataio 25:31

Ngkana E roko Natin te Aomata ma mimitongina, ma anera ni kabaneia i rarikina, ao ane E na tekateka i aon ana kaintokanuea ae mimitong.

Mataio 26:64

E taku Iesu nako ina, “Ngaia ane ko taku. Ma I tuangngkami b'a ane kam na nora Natin te Aomata ni moa man te tai aei b'a E tekateka i angatain Teuare M'aka, ao b'a E nako mai i aon nangini karawa!”

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Mataio 9:6

B'a kam aonga n ataia b'a E konai ni kab'arai buure i aonnaba Natin te Aomata.” E taku ngkanne nakon te nakibaina, “Tei rake, tabeka nnem ni wene, ao naako ni mwengam!”

Ruka 5:13

E arora nako baina Iesu ao E riingnga, ao E taku, “Bon nanou; ko na itiaki.” Ao e a rina naba n toki reeberana.

Ruka 5:18

Ao noria, iai aomata tabeman ake a uota te aomata ae naakibaina i aon te nne ni wene, ao a ukoukora te anga are e na kona ni karokoaki ma ni kaweneaki iai i matan Iesu;

Ruka 5:23

e nga ae bebete riki, atongan ae kangai, A kab'araaki am bure? Ke ae kangai, Tei rake ao nakonako?

Ruka 7:14

Ao E kaaniia n riinga te bao are e uotaki iai te mate, ao a tei uake a uotia. Ao E taku Iesu, “Te roronga, I taku nako im, Tei rake!”

Ruka 8:54

Ma Iesu, E taua bain neierei ao E taku n te b'ana ae korakora, “Te teteeinaine, tei rake!”

Ioane 11:43

Ngke E a tia n atongi baikai, ao E kanenea b'anaana n takarua ni kaangai, “Rataro, oti nako!”

Ioane 17:2

B'a Ko a tia n anganna te m'aaka i aoia aomata ni kabaneia, b'a E na anga te maiu are aki toki nakoia ni kabane ake Ko anganna.

Ioane 3:13

Akea te aomata ae rierake nako karawa, ma bon ti Teuae ruo mai karawa, ae Natin te Aomata.”

Ioane 5:27

ao E a tia n anganna te m'aaka ni motiki-taeka ngkai Natin te Aomata Ngaia.

M'akuri 14:10

ma ngaia are e kanenea b'anaana ao e kaangai, “Tei rake kaetiko i aoni waem!” Ao ngaia e ewe rake, ao e nakonako.

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

M'akuri 9:34

E taku Betero nakoina, “Ainea, E kamaiuko Iesu Kristo; teirake, ao bairea nem ni wene.” Ao e a teirake naba ngkekei Ainea.

M'akuri 9:40

E kabaneia ni kaotinakoia Betero, ao e katorobubua n tataro; e rairaki ngkanne ni kaitaraa rab'atan Nei Toreka, ao e kaangai, “Nei Tabita, teirake!” E kaure matana Nei Toreka; ao ngke e nora Betero, ao e tekateka.

Te Kaotioti 1:13

ao i nuuka i buakoni kain-tei n taura aikai iai temanna ae ai aron taraan natin te aomata ae kunnikaia n te kunnikai ae e toki m'arairaina i aon raurauni waena, ao e kabaeaki b'ab'ana n te b'ai ni kabaebae ae te koora.