Ruka 5:22 - Te B'aib'ara

²² Ngke E atai nanoia Iesu, ao E kaekaia ni kangai, “E aera ngkai kam titiraki i nanomi?

Ruka 5:22 ပူးပေါင်းရင်းမြစ်များ

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

Taian Areru 139:2

Ko atai b'aai ni kabane aika I karaoi; Ko ataa nanou mai kiraroa.

Taeka n Rabakau 15:26

E ribaai iango aika a buakaka te UEA ma e kukurei n te taeka n akoi.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Etekiera 38:10

I ataia b'a ko na karaoa te iango ae e buakaka ngkana e roko te tai arei

Mataio 12:15

Ao Iesu, ngke E ata are a iangoia B'aritaio, ao E kitana ikekei; ao a iria aomata aika rangi ni m'aiti, ao E kamaiuia ni kabane ake iai aorakiia,

Mataio 12:25

E atai aia iango Iesu, ma ngaia are E taku nako ia, “Te tautaeka ae bwenaua nakoni m'akoro aika kakaokoro aika a ekianako i bon i rouia, e na bon aki tei maan; ao akea te kawa ke te utu ae koroutuaki ae na aki bwenaua.

Mataio 9:4

E atai nanoia Iesu, ma ngaia are E taku, “Kam aera ngkai kam iangoa ae buakaka i nanomi?

Mareko 8:17

Ao Iesu, E ata te b'ai are a taekinna, ma ngaia are E taku nako ia, “E aera ngkai kam karabakauakina taekan te akea ni kariki? A tuai n oota nanomi? Kam roo n nano?

Ruka 24:38

ao Ngaia E taku nako ia, “Kam aera ngkai kam maaku? Ao e aera ngkai a waerake taian titiraki i nanomi?

Ruka 5:21

Ao taani koroboki ma B'aritaio a titiraki i nanoia ni kangai, “Antai Teuae taetae ni bakanatua aei! Bon tii te Atua ae kona ni kab'arai buure.”

Ruka 5:23

e nga ae bebete riki, atongan ae kangai, A kab'araaki am bure? Ke ae kangai, Tei rake ao nakonako?

M'akuri 5:3

E taku Betero nakoina, “Anania, e aera ngkai e anaaki nanom iroun Tatan b'a ko na kewe nakon te Tamnei are Raoiroi, ao b'a ko na taua teutana man te m'ane are boon te aba?

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.