Ruka 5:21 - Te B'aib'ara

²¹ Ao taani koroboki ma B'aritaio a titiraki i nanoia ni kangai, “Antai Teuae taetae ni bakanatua aei! Bon tii te Atua ae kona ni kab'arai buure.”

Ruka 5:21 ပူးပေါင်းရင်းမြစ်များ

Taian Areru 103:3

E kab'arai am bure ni kabane; ao E kamaiuko man aorakim ni kabane.

Taian Areru 130:4

Ma Ko kab'ara ara bure, ma ngaia ae ti na taromauriko.

Taian Areru 32:5

I kaoti au bure nakoim, Ao I aki karabai au kairua; I kataua te kaoti taekaia nakoim, ao Ko kab'arai au bure ni kabane.

Taian Areru 35:5

A na kakioaki iroun ana anera te UEA, ao a na riki n ai aroni kunin te uteute ae ukaki nako n te ang!

Itaia 1:18

Ngai, ae te UEA, ae I kaoingkami b'a kam na nakomai ma ni maroroakinna. A turu urauran ami bure, ao a na mainaina kaanga te tinoo ke buraen te tiibu.

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Taniera 9:19

Te UEA, ongo iroura, te UEA, kab'arai ara bure. Te UEA, ongo iroura, ao kamaiura b'a a aonga n ataia aomata nako b'a bon te Atua ngkoe, tai waeremwe! Bon am b'ai te kaawa aei ma aomata aikai.”

Taniera 9:9

Ko akoi ao Ko kakab'arabure, e ngae ngke ti aki toki ni kakaaitarako.

Nakoaia Ibonga 24:16

E aoria ngkana te Iteraera ngaia ni bungiakina, ke ngkana te iruwa ae maeka i rarikimi.

Mika 7:19

Ko na manga nanoangaira riki. Ko na toubekai ara bure i aani waem, ao karenakoi i kabin marawa!

Mataio 26:65

Ao e raea kunnikaina mataniwiia ibonga, ao e taku, “E taetae ni bakanatua! E aera b'a ti na tangiriia riki taani bukibuki? Kam a tia ngkai n ongo ana taeka ni bakanatua!

Mataio 9:3

Ao noria, a taku i nanoia taani koroboki tabem'aang, “E taetae ni bakanatua Teuaei!”

Ruka 3:8

Kam na kariki uaa aika a na kaotia b'a kam a tia n rairi nanomi, ao kam na aki taku i nanomi, ni kangai, Tamara Aberaam: b'a I taku nako imi, E kona te Atua ni karikiia natin Aberaam man atiibu aikai.

Ruka 5:17

Ao n te bongina, ngke E tabe n reirei Iesu, ao iai B'aritaio ma taan reirei taekan te tua ake a tekateka ni kaan ma Ngaia. A roko mani kawan nako Kariraia ao Iutaia, ao mai Ierutarem; ao iai i Rouna m'aakan te Atua are E kona iai ni kakamaiu.

Ruka 5:22

Ngke E atai nanoia Iesu, ao E kaekaia ni kangai, “E aera ngkai kam titiraki i nanomi?

Ruka 7:49

Ao te koraki ake raon Iesu n am'arake, a taku i nanoia, “Antai Teuaei ae kona naba ni kab'arai buure?”

Ioane 10:33

A kaeka ao a kaangai, “Tiaki i bukin te m'akuri ae e raoiroi ae ti na karebanaiko iai, ma i bukin am taetae ni bakanatua; ao i bukina naba b'a bon te aomata Ngkoe, ao Ko kan riki n Atua.”

I-Rom 8:33

Antai ae iai ana taeka ni bukiniia akana rineaki iroun te Atua? Bon te Atua ae kaetiia.