Ruka 5:14 - Te B'aib'ara

¹⁴ Ao E kamatoa ana taeka nako ina b'a e na aki tuanga temanna; ao E taku, “Ko na nako ni kaotiko nakon te ibonga, ao anga te karea i bukini kaitiakam n ai aron are e tua Moote, b'a te b'ai ni kakoaua nakoia aomata.”

Ruka 5:14 ပူးပေါင်းရင်းမြစ်များ

Nakoaia Ibonga 13:2

Ngkana iai te aomata ae iai te maneka i aon kunna ke te kaboa ke te baauraura ae na karikirakea tarakin kunna ae e kakamaaku, ao e na riai n nikiria iroun Aaron are te ibonga.

Nakoaia Ibonga 13:49

ngkana arona b'a e kiriin ke e uraura, ao bon aorakin te kun ao e riai ni kaotaki nakon te ibonga.

Mataio 10:18

ao ane kam na katikaki nako mataia taan tau-taeka ma uea i buku, ma kam na taekina te koaua nako ia ao nakoia aomata akana tiaki I-Iutaia.

Mataio 12:16

ao E tuangiia b'a a na aki katanoata taekana n taabo nako;

Mataio 8:4

E taku Iesu nako ina, “Taraia b'a ko na aki tuanga temanna taekan te baei; ma naako moa kaotiko nakon te ibonga, ao anga te karea n ai aron are e tua Moote, b'a te b'ai ni kakoaua nakoia aomata.”

Mataio 9:30

A kaureaki mataia. Ao E kamatoatoa ana taeka Iesu nako ia ni kangai, “Kam na taraia b'a a na aki ata taekan te baei aomata!”

Mareko 1:44

Ao E taku, “Tarataraiko b'a ko na aki tuanga temanna; ma naako moa, kaotiko nakon te ibonga, ao anga baike e tua Moote b'a b'aini kaitiakam, b'a te b'ai ni kakoaua nakoia aomata.”

Mareko 6:11

Ao ngkana kam kawara te kawa teuana ma a aki butim'aingkami kaaina ao a aki kan ongora i roumi, kitanna ao taei bubun aontano mai waemi b'a te b'ai ni kakoaua nako ia b'a a aki mutiakiningkami.”

Ruka 17:14

Ngke E noriia ao E taku nako ia, “Kam na nako ni kaotingkami nakoia ibonga.” Ao ngke a tabe n nako ao a kaitiakaki.

Ruka 5:13

E arora nako baina Iesu ao E riingnga, ao E taku, “Bon nanou; ko na itiaki.” Ao e a rina naba n toki reeberana.

Ruka 9:5

Ao n te tabo are kam aki butim'aeaki iai irouia kaaina, ao ngkana kam kitana te kawa anne, ao taei bubun aontano mai waemi b'a te b'ai ni kakoaua nako ia b'a a aki mutiakiningkami.”