Ruka 5:12 - Te B'aib'ara

¹² Ngke E mena Iesu n te kawa teuana, ao e roko te aomata ae e buta rab'atana n te reebera; ngke e nora Iesu, ao e katorobubua ni bobaraaki i rarikini waena ao e butiia ni kangai, “Te Uea, ngkana nanom, ao Ko kona ni kaitiakai.”

Ruka 5:12 ပူးပေါင်းရင်းမြစ်များ

Karikani B'aai 18:14

Iai te b'ai ae kangaanga iroun te UEA? N aron are I a tia n taekinna, ao ruaiwa te nam'akaina mangkai, ao N na manga okirikaaki, ao e na reke natin Nei Taara te mm'aane.”

1.Uea 18:39

Ao ngke a noora te b'ai are e riki arei aomata, ao a bane ni bobaraaki man takaarua ni kaangai, “Bon te Atua te UEA.”

2.Uea 5:1

Bon te mataniwi n te taanga ni buaka mai Turia te aomata ae Naaman. E a tia ni buokaki ma ana taanga ni buaka iroun te Atua ni katokanikaiaki i aoia aia kairiribai. Ma ngaia are, e rangi n onimakinaki Naaman iroun te uea. Bon te tia buaka ae e ninikoria Naaman, ma e reke i rouna te aoraki ae te reebera.

2.Uea 5:27

I bukin te b'ai ae ko a tia ni karaoia, ao e na manga ewekiko ngkai reeberan Naaman, ao a na ewekaki naba kanoam n aki toki.” Ao n te tai naba arei, ao e mainaina kunna n te reebera, ao e taonnako.

2.Uea 7:3

Ao ni bon te tai naba arei, ao iai aman m'aane aika a reebera aika a mena i tinanikun mataroan te kaawa are Taamaria. A taetae i bon irouia ao a taku, “E aera ngkai ti a bon tekateka n tataningaa matera?

1.Rongorongo 21:16

Ao e noora ana anera te UEA Tawita i nanon te akea n taua ana kabaang i aon Ierutarem. Ao a bane ngaia ma taan kairiiri i aon Iteraera, ake a kunnikaia ni kunnikai aika a mangaingai, ni bobaraaki ni kabomataia ma aontano,

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Te Otinako 4:6

Ao i mwiina, E a manga tuangaki Moote iroun te UEA ni kaangai, “Karina baim i nanon am kabaraaki.” Ao e ongotaeka Moote, ao ngke e a manga buuta baina ao e a mainaina n ai aron te tinoo, kanga te aomata ae e reebera.

Nakoaia Ibonga 13:16

Ma ngkana e mao te maneka ao e a manga mainaina naba, ao e na nakon te ibonga te aomata anne,

Nakoaia Ibonga 9:24

Ao E kanakoa te ai te UEA n te tai ae e karina, ao e kamannangii karea ni kabuokaki ma m'akoron te man ake a nenea ake i aon te baonikarea. Ao ngke a noora arei aomata, a bane n takaarua ao a bobaraaki ni kabo mataia ma aontano.

Mataio 26:6

Ao ngke E mena Iesu i Betania n ana auti Timon are te rebera,

Mataio 9:28

Ngke E rin n te auti, ao a roko i Rouna mataki ake uoman; ao E taku Iesu nako ia, “Kam kakoaua b'a I kona ni karaoa te baenne?” A taku nako Ina, “Eng, te Uea!”

Mareko 5:23

ao e kabanea ana bubuti nako Ina, ao e kangai, “E rangi n aoraki natiu te aine. Nako mai, kaki baim i aona b'a e aonga ni karekea te marurung, ao e na maiu.”

Ruka 17:16

ao e b'aka ni bobaraaki i rarikini waen Iesu, ao e anganna taeka ni kaitau. Bon te I-Taamaria ngaia.

Ruka 5:13

E arora nako baina Iesu ao E riingnga, ao E taku, “Bon nanou; ko na itiaki.” Ao e a rina naba n toki reeberana.

Te Tua-Kaua 24:8

I a tia n tuangiia ibonga te b'ai ae a na karaoia ngkana e reke temanna mai buakomi n te rebera, ma ngaia are, kam na karaoi b'aai ni kabane akana tuangingkami.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

Iotua 5:14

Ao e kaeka teuarei, “Tiaki ngai raomi ke aiami, ma bon mataniwiin ana taanga ni buaka te UEA.” Ao e b'aka nako aontano Iotua ma n taromauria ao e kangai, “Bon am toro ngai. Tera ae ko tangiria b'a N na karaoia?”