Ruka 4:41 - Te B'aib'ara

⁴¹ A oti nako naba taimonio mairouia aomata aika bati, ao a takarua ni kangai, “Bon Natin te Atua Ngkoe!” Ma E takuia b'a a na akea te b'ai ae a na taekinna, i bukina b'a a ataia n ae te Kristo Ngaia.

Ruka 4:41 ပူးပေါင်းရင်းမြစ်များ

Mataio 26:63

Ma E kainab'aabu Iesu. Ao e taku mataniwiia ibonga nako Ina, “I titirakiniko i matan te Atua ae maiu, b'a Ko na tuangiira b'a tao te Kristo Ngkoe, are Natin te Atua.”

Mataio 4:3

Ao E kawaria te riaboro ao e taku nako Ina, “Ngkana Natin te Atua Ngkoe, ao Ko na tua b'a a na riki ni kariki atiibu aikai.”

Mataio 8:16

Ngke e a tairiki, ao a uotaki nako Ina aomata aika bati aika taniaki irouia taimonio; ao E kanakoia anti aika buakaka akekei ni m'aakan ana taeka, ao E kamaiuia ni kabaneia aomata ake aoraki.

Mataio 8:29

Ao noria, a takarua ni kangai, “Tera am b'ai i roura, Ngkoe, ae Natin te Atua? Ko nako mai ni kamarakira ngkae e tuai n roko te Bongi ni Motiki-taeka?”

Mataio 8:4

E taku Iesu nako ina, “Taraia b'a ko na aki tuanga temanna taekan te baei; ma naako moa kaotiko nakon te ibonga, ao anga te karea n ai aron are e tua Moote, b'a te b'ai ni kakoaua nakoia aomata.”

Mareko 1:25

Ao E takuia Iesu ni kangai, “Tai karongoa, ao oti nako mai rouna!”

Mareko 1:32

Ngke e a tairiki, ngke e a bungi taai, ao aomata a uotiia ni kabane ake a aoraki ma ake a taniaki irouia taimonio nako Ina.

Mareko 1:34

Ao E kamaiuia aika bati aika aoraki n aeka n aoraki nako, ao E kanakoia ngke a kinaa.

Mareko 3:11

Ao aomata ake a taniaki irouia tamnei aika kam'ara, ngke a nora Iesu, ao a b'aka i matana, ao a takarua ni kangai, “Bon Natin te Atua Ngkoe!”

Ruka 4:39

E tei Iesu ni kaan ma rarikina ao E taetae ma b'anaana ae matoatoa nakon te kabuebue, ao e toki kabuebuen neierei; ao e tei rake naba ngkekei ao e touati i rouia.

Ioane 20:31

ma a koreaki aikai b'a kam aonga ni kakoaua b'a Iesu bon te Kristo, are Natin te Atua; ao ngkai kam onimakinna, ao e na reke iroumi te maiu n arana.

Iakobo 2:19

Ko taku b'a ti temanna te Atua; e eti am taeka anne. A boni kakoaua naba te taeka anne taian taimonio, ao a ruru ni maku.