Ruka 4:40 - Te B'aib'ara

⁴⁰ Ngke e a bungi taai, ao a bane aomata ake iai i rouia aia aoraki n uotiia nako Ina; ao E katokai baina i aon temanna ma temanna ao a kamaiuaki.

Ruka 4:40 ပူးပေါင်းရင်းမြစ်များ

Mataio 11:5

a noraba mataki, a nakonako m'auku, a kamaiuaki rebera, a uki taningaia taningabono, a manga maiu maate, ao a ongo taekan te euangkerio aomata ake a aki kaub'ai.

Mataio 14:13

Ngke E ongo taekan Ioane Iesu, ao E kitana ikekei n te booti, ao E nako n te tabo ae akea kaaina ni kaokoroa iai. Ma ngke a ongo taekana aomata, ao a kitan aia kaawa n ri mwina n nakonako ri etan te nama.

Mareko 3:10

B'a E a tia ni kamaiuia aomata aika m'aiti, ao ake a aoraki a karaneneiia n uai rokoia i Rouna, b'a a aonga n riingnga.

Mareko 5:23

ao e kabanea ana bubuti nako Ina, ao e kangai, “E rangi n aoraki natiu te aine. Nako mai, kaki baim i aona b'a e aonga ni karekea te marurung, ao e na maiu.”

Mareko 6:5

Akea m'akuri aika kamimii ake E kona ni karaoi ikekei, ma E ti katokai baina i aoia tem'angina aika aoraki ni kamaiuia.

M'akuri 19:12

n te aro are ngkana a anaaki kunnikai ma kaoanimaono ake a bo ma kunna ao a kakaki i aoia aoraki, ao a kona ni kamaiuaki iai man aorakiia, ao a oti nako naba tamnei aika bubuaka mai rouia.

M'akuri 5:15

I mwini baike a tia ni karaoi taan tuatua, ao a uoti aia aoraki aomata nako nanoni kawai nako, ao a kaweneia i aoni kainiwene ma kie ni matu, ma te kaantaninga b'a ngkana e rikekei Betero ao e na kona nuuna n rabuniia tem'angina i buakoia.