Ruka 4:39 - Te B'aib'ara

³⁹ E tei Iesu ni kaan ma rarikina ao E taetae ma b'anaana ae matoatoa nakon te kabuebue, ao e toki kabuebuen neierei; ao e tei rake naba ngkekei ao e touati i rouia.

Ruka 4:39 ပူးပေါင်းရင်းမြစ်များ

Taian Areru 116:12

Tera ae N na angan te UEA b'a boon ana akoi ni kabane nako iu?

Mareko 1:29

Ao E kitana te m'aneaba arei, ao E nako n aia auti Timon ma Anterea, ao raona Iakobo ma Ioane.

Ruka 4:35

Ma Iesu E takuia ao E taku, Tai karongoa, ao oti nako mai rouna! Ao ngke e a tia te taimonio ni boaketan teuarei i mataia aomata ake a mena ikekei, ao e oti nako mai rouna n aki kaikoakia.

Ruka 4:41

A oti nako naba taimonio mairouia aomata aika bati, ao a takarua ni kangai, “Bon Natin te Atua Ngkoe!” Ma E takuia b'a a na akea te b'ai ae a na taekinna, i bukina b'a a ataia n ae te Kristo Ngaia.

Ruka 8:24

Ao a kawaria ni kautia, ao a kangai, “Te Tia Reirei, te Tia Reirei, ti mate!” Ao E uti, ao E takua te ang ma naao ake a buubura; ao e toki karen te ang, ao e wene n rau te ran.