Ruka 3:38 - Te B'aib'ara

³⁸ are natin Enoti, are natin Teta, are natin Atam, are natin te Atua.

Ruka 3:38 ပူးပေါင်းရင်းမြစ်များ

Karikani B'aai 2:7

Ao E buatii taian tano tabeua te UEA ae te Atua man tanon aonnaba, ao E karaoa te mm'aane mai iai; ao E uka te ikeike ni maiu nako b'angab'angan b'airina, ao e a maiu te mm'aane arei.

Karikani B'aai 4:25

Ao e a manga riki natiia Atam ma Nei Ewa temanna te mm'aane. Ao e taku Nei Ewa, “E a tia n anganai natiu te mm'aane te Atua b'a oneani mwiin Abera, are e tiringnga ngkoa Kain.” Ma ngaia are, e arana te nati te mm'aane arei b'a Teeta.

Karikani B'aai 4:26

Ao e riki natin Teeta te mm'aane, ao e aranna b'a Enoti. Ao n taai akanne are a moanna iai aomata n taromauriia te Atua ma n taekina ae e kaangai, “Ti neboiko te UEA.”

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Ruka 3:37

are natini Metutera, are natin Enoka, are natin Iareta, are natini Maararera, are natini Kenan,

Ruka 4:1

Ngke E oki Iesu man te karaanga are te Ioretan ao E kaonaki n te Tamnei are Raoiroi. E kairaki iroun te Tamnei are Tabu nakon te rereua.

1.I-Korinto 15:45

Ao ai aron naba are koreaki ni kangai, “Te moa n aomata are Atam bon te aomata ae maiu”; Te kabanea n Atam bon te tamnei ni kamaiu.

1.I-Korinto 15:47

E riki te moa n aomata mai aon te aba, ao e karikaki man te tano; te Aomata are te kauoman boni mai karawa.