Ruka 3:22 - Te B'aib'ara

²² ao E ruona aona te Tamnei are Raoiroi n rab'atana ae kanga taraan te taobe, ao e roko te b'ana mai karawa ae kangai, “Natiu ae Ko tangiraki Ngkoe; I kakatonga i Roum.”

Ruka 3:22 ပူးပေါင်းရင်းမြစ်များ

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Mataio 12:18

“Nora au tia m'akuri ae I rineia, ae tangiraki i Rou, ae I kakatonga i Rouna. N na kaki Tamneiu i aona, ao E na tuangiia botannaomata te kaeti-taeka ae raoiroi.

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mataio 27:43

E onimakina te Atua; ke E kamaiua te Atua ngkai ngkana E tangiria, b'a E kangai ana taeka, Natin te Atua Ngai.”

Mataio 3:13

E nako ngkanne Iesu mai Kariraia nako Ioretan nakon Ioane, b'a E na b'abetitoaki i rouna.

Mataio 3:16

Ngke E a tia ni b'abetitoaki Iesu, ao E aerake naba man te ran, ao noria, e kaukaki karawa nako Ina, ao E nora Tamnein te Atua b'a E ruo n ai aron te taobe, ao E toka i aona;

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Mareko 1:11

ao e roko te b'anaa mai karawa, ae kangai, “Boni Ngkoe Natiu ae Ko tangiraki i Rou, I kakatonga i Roum.”

Mareko 1:9

Ni boong akekei ao E roko Iesu mai Kariraia mani kawana are Natareta; ao E b'abetitoaki iroun Ioane n te karaanga are te Ioretan.

Mareko 9:7

Ao e kaoti te nang, ao e b'aka nuuna i aoia. E roko te b'anaa man te nang ae kangai, “Natiu Teuaei, ae tangiraki i Rou; kam na ongo i Rouna!”

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

Ruka 4:21

Ao ngkanne E taku nako ia, “N te bong aei, ao e a kakoroaki iai nanon taeka aika koreaki n te m'akoro ni B'aib'ara aei n aron are kam a tia n ongo iai ngke e warekaki.”

Ioane 1:32

Ao aikai ana taeka riki Ioane ni kaotioti: “I nora te Tamnei are Tabu b'a E ruo mai karawa n ai aron te taobe, ao E tiku i rouna.

Ioane 12:28

Tamau, neboa aram.” E roko ngkanne te b'ana mai karawa, ae kaangai, “I a tia n neboia, ao N na manga neboia.”

Ioane 5:37

Ao te Tama are kanakomaiai boni Ngaia naba te Tia Kakoaua i buku. Kam tuai n ongo b'anaana ao n noria b'a aekara tein rab'atana;

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

I-Korote 1:13

E a tia ni kamaiura mani m'aakan te roo, ao E uotiira nako aan ana tautaeka Natina are tangiraki;

1.Betero 2:4

Kam na nakoina, nakon Teuare kanga ai aron te atibu ae maiu, ae kakiaki bonganana irouia aomata, ma E rineaki iroun te Atua b'a e kakawaki.