Ruka 3:18 - Te B'aib'ara

¹⁸ Ao ana taeka ni kakorakora Ioane aika bati, a tia n riki b'a kawaina n tataekina te euangkerio nakoia Iteraera.

Ruka 3:18 ပူးပေါင်းရင်းမြစ်များ

Ruka 3:17

E mena i nanoni baina te b'ai are E na kaokoroi iai uita ma maangen uita, ao E na ikoti uaa n uita nakoni nen ana uita; ma E na kabuoki maangen uita n te ai are aki mamate.”

Ruka 3:19

Ao Erote are te tia tautaeka, are e a tia n takuaki iroun Ioane i bukin Nei Eroria are buun tarina ngke e a manga iein ma ngaia ao i bukin ana m'akuri ni kabane ake a buakaka ake e a tia ni karaoi.

Ioane 1:15

E tataekinna Ioane, ao e kanenea b'anaana ni kaangai, “Bon aei Teuare I taekinna ngke I kaangai, Teuare roko i mwiu, E kakannato riki nako iu b'a ai kaman iai Ngaia ma ngkoa i m'aini bungiakiu.”

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Ioane 1:34

I a tia n noria ao n tataetae ni kakoaua i bukina: bon Natin te Atua Ngaia.”

M'akuri 2:40

A bati riki ana taeka Betero nakoia, ao e butiia ni kaangai, “Kam na kamaiungkami man te rekenikai ane nang roko nakon te roro ae buakaka aei!”

M'akuri 20:2

Ngke e tia n ri nukan aaba akekei, ni kaungaia ake a onimaki n taeka aika bati, ao e roko i Erene.

I-Rom 12:8

Ngkana te kona ni kaungaa, ao ti na kaungaia aomata; ngkana te kona ni buokanib'ai, ao ti na i buokanib'ai ma te nanoraoi; ngkana te kona ni kairiri, ao ti na karaoia nakon ara kabanea n tamaroa; ao ngkana ti kona ni karaoa te m'akuri n nanoanga nakoia aomata, ao ti na karaoia ma te nano ni kukurei.