Ruka 24:41 - Te B'aib'ara

⁴¹ Ao ngke a tiku n aki kakoauaa i bukin te kim'areirei ma te mimi are reke i rouia, ao E taku nako ia, “Iai kanami i roumi ikai?”

Ruka 24:41 ပူးပေါင်းရင်းမြစ်များ

Iobi 9:16

Ma e ngae ngkana E anganai au tai n taetae n te tai aei, ma I bon aki kakoaua b'a E na kakauongo i rou.

Mareko 16:11

Ma ngke a ongo b'a E a manga uti ao e a tia n noraki iroun neiei, ao a aki kakoauaa.

Mareko 16:13

A oki uakekei, ao a tuangiia reirei ake raoia, ma a aki kakoauai.

Mareko 16:14

I mwina ao E kaoti nakoia reirei ake tengauni ma temanna ngke a am'arake; ao E takuia i bukin aia aki onimaki ao matoatoan nanoia i mwin tuangakiia irouia te koraki ake a tia n noria i mwin te tai are E a manga uti iai.

Mareko 8:7

Iai naba i rouia tabeman te ika; ao ngke E a tia n tataro ni katituaraoi i bukiia, ao E tuangiia ana reirei b'a a na kaki naba i mataia aomata.

Ruka 24:11

ma taeka aikai n aia katautau uakekei, kaanga ai aron te rongorongo ae akea nanona, ao a aki kakoauai.

Ruka 24:40

Ngke E a tia n atonga aei, ao E kaoti baina ma waena nako ia.

Ruka 24:42

A anganna te m'akoro n ika ae tinimaki;

Ioane 16:22

Ao ai aromi naba: b'a kam nanokawaki ngkai, ma N na manga noringkami, ao ane a na kaonaki nanomi n te kim'areirei, ao akea temanna ae na anaa kim'areireimi mai roumi.

Ioane 21:5

E titirakiniia ngkanne Iesu ao E kaangai, “Ataei, e reke aromi?” A kaeka ni kaangai, “Kai akea ae!”

M'akuri 12:14

Ngke e kinaa b'a b'anaani Betero, ao e aki kauka te mataroa i bukini kim'areireina, ma e biri nako moa nako nanon te auti n tuangiia b'a Betero are tei i rarikin te mataroa.