Ruka 24:32 - Te B'aib'ara

³² A i taetae i rouia ni kangai, “Tiaki a riingaki nanora ngke E taetae nako ira i nanon te kawai, ao ngke E kab'ara nanon te B'aib'ara nako ira?”

Ruka 24:32 ပူးပေါင်းရင်းမြစ်များ

Taian Areru 104:34

E bia kukurei n au iango, ngkai kukureiu boni mai Rouna.

Taian Areru 39:3

E rikirake bueen nanou, ao ngke I tabe ni iango, ao e a rikirake riki bueen nanou; ao n tokina I a taetae ao I taku:

Taeka n Rabakau 27:17

Ai aron taiman te biti raao a taimi nanoia i bon irouia.

Taeka n Rabakau 27:9

E karika te marurung inanom arokakin te boiarara, ma e a rangi n tamaroa riki te iraorao ae e koaua.

Itaia 50:4

E anganai te UEA ae te Atua taeka ni koaua i bukin kaungaan nanoia aika a mamaara. E katoa ingaabong ni kautai ao I tangiria n kamateb'aia ana reirei;

Ieremia 15:16

I rangi n ongotaeka, ngke Ko taetae nako iu, i bukina ngke bon Am b'ai ngai, te UEA ae Moan te M'aaka.

Ieremia 20:9

N taai tabetai ao I taetae bon i nanou b'a N na aki manga oki n iangoiko te UEA, ke n atoatonga aram. Ma a ura am taeka i nanou ma riiu, ao I a aki konaa ni kainab'aabu.

Ieremia 23:29

Au taeka bon te ai ae e korakora; bon te aama ae urui taiani b'a akanne.

Mareko 4:34

E aki kona n taetae nako ia n aki kabonganai taeka ni kabotau; ma ngkana ti Ngaia ma ana reirei, ao E kamatatai nanoni b'aai ni kabane nako ia.

Ruka 24:45

Ao E buoki aia iango b'a a aonga n ata nanon are koreaki n te B'aib'ara;

Ioane 6:63

Ae E anga te maiu bon Tamnein te Atua; akea irouia aomata ae kona ni karaoa aei. A riki taeka aika I a tia n atong b'a kawain rokon te Tamnei ao te maiu iroumi.

M'akuri 28:23

A kotea aia bong ma B'auro, ao a kawaria aomata aika bati riki ni nena ni maeka n te bong anne. E waaki ma ngaiia man te ingabong ni karokoa ae e bong, ni kab'arab'araa nakoia taekan uean te Atua; ao e kataia n anai nanoia ni m'akoron taeka ake e anai man ana tua Mote ao man aia boki burabeti, b'a a na kakoaua are e taekinna i bukin Iesu.

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.