Ruka 24:30 - Te B'aib'ara

³⁰ Ngke E taibora n am'arake ma ngaiia, ao E anaa te kariki ao E tataro ni katituaraoi, ao E urua, ao E anganiia.

Ruka 24:30 ပူးပေါင်းရင်းမြစ်များ

Mataio 14:19

E tuangiia ngkanne aomata b'a a na tekateka i aon uteute; ao e anai kariki ake nimaai ao ika ake uoman, ao E tara rake nako karawa, ao E kaitaua te Atua. E urui kariki ao E angania ana reirei, ao ana reirei a angania aomata.

Mataio 15:36

ao E anai kariki ake itiai ma ika; ao ngke E a tia n tataro ni katituaraoi, ao E urui, ao E anganiia ana reirei, ao ngaiia a manga anganiia aomata.

Mataio 26:26

Ao ngke a am'arake, ao E anaa te berena Iesu, ao E tataro ni katituaraoi, ao E urua, ao E angania ana reirei, ao E kangai, “Anaia, kanna; rab'atau aei.”

Mareko 14:22

Ngke a am'arake, ao E anaa te berena Iesu, ao E tataro ni katituaraoi, ao E urua ni kam'akorokoroa, ao E anganiia, ao E kangai, “Anaia, rab'atau te baei.”

Mareko 6:41

E anai ngkanne kariki ake nimaai ma ika ake uoman, ao E tara rake nako karawa, ao E kaitaua te Atua. E urui kariki, ao E anganiia ana reirei b'a a na tib'atib'ai ni kaki i mataia aomata; ao E tib'ai naba ika nakoia aomata ni kabaneia.

Mareko 8:6

E tuangiia aomata b'a a na tekateka i aontano; ao E anai kariki ake itiai, ao ngke E a tia n tataro ni katituaraoi, ao E urui kariki ao E anganiia ana reirei b'a a na kaki i mataia aomata; ao ana reirei a kaki i mataia aomata.

Ruka 22:19

Ao E anaa te berena, ao ngke E tia n tataro ni katituaraoi, ao E urua ao E anganiia ana reirei, ao E kangai, “Rab'atau aei ae I anga i bukimi, Karaoa aei b'a kanuringau!”

Ruka 24:29

ma a imanonoia uakekei ao a kangai, “Ko na tiku i roura, b'a e a kani bong ao e a kan toki te ngaina.” Ao Ngaia E rin n te auti n tiku ma ngaiia.

Ruka 24:35

A taekina ngkanne te b'ai are e a tia n riki i nanon te kawai, ao aroia ngke a kinaa te Uea n te tai are E urua iai te kariki.

Ruka 9:16

Ao E anai kariki ake nimaai ao ika ake uoman, ao E tara rake nako karawa, ao E kaitaua te Atua ao E urui, ao E anganiia ana reirei b'a a na kaaki i mataia aomata.

Ioane 6:11

E anai kariki akekei Iesu, ao E tataro ni katituaraoi, ao E anga b'a a na tib'aki nakoia ake a tekateka. E karaoa naba ae aron aei nakon ika, ao a bane n reke tib'aia n ai aroni m'aitin are a tangiria.

M'akuri 2:42

A botum'aka nakon reireiaia irouia taan tuatua, ao nakon aroia n i buokanib'ai; ao a kakaonimaki nakon iriran aia bobotaki n am'arake ma n tataro.

M'akuri 2:46

A bobotaki n te Tembora ma te nano ae ti teuana ni katoa bong, ao a bobotaki n am'am'arake n aia auti nako, ao a kang kanaia ma te kukurei ao te nanoraoi,

M'akuri 27:35

Ngke e a tia n atongi taeka aikai B'auro, ao e anaa teutana te am'arake ao e tataro ni katituaraoa te Atua i mataia ni kabaneia; e anaa ngkanne teutana mai iai, ao e kanna.