Ruka 24:27 - Te B'aib'ara

²⁷ Ao E kaotai nako ia nanon taeka ake a koreaki ni m'akoroni booki n te B'aib'ara, ake a kaeti nako Ina b'a taekana, ao E moanna man ana boki Moote ma aia boki burabeti.

Ruka 24:27 ပူးပေါင်းရင်းမြစ်များ

Karikani B'aai 12:3

N na kakab'aiaia akana kakab'aiako, ao N na kamaraiaia akana kamaraiako. A na kakab'aiaki botannaomata nako iroum.”

Karikani B'aai 22:18

Ane a na bubutiai botannaomata b'a N na kakab'aiaia n aron kakab'aiakiia am kariki-a na riki baikai i bukina ngke ko ongotaeka irou.”

Karikani B'aai 26:4

N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki.

Karikani B'aai 3:15

N na karika te i kairiribai i marenam ma neiei n aki toki, ao i marenaia naba kanoam ma kanoana. E na kamanatua atuum, ao ngkoe ko na tenai bukin waena.”

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

Taian Areru 132:11

Ko a tia ni kab'aka am Taeka ni bau nakon Tawita am berita ae Ko na boni kakoroa bukina: “N na karika temanna irouia natim m'aane b'a te uea, Ao e na onea mwim n tautaeka.

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 50:6

I kariaia b'a a na orea nuukau ma ni katika rake buaiu. I aki tannako mairouia ngke a kab'ainrangai ma ni baawarea matau.

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

Itaia 9:1

Ma koraki aika a tia n rawaawata a na aki manga maraki. A ribaaki ngkoa aban nako Teburun ao Nabetari i Kariraia. Ma e na rangi ni karineaki te aba aei ae abaia Tientaire nakon te Karaanga are Ioretan ri mataniwiin te Taari are Mereterenian.

Etekiera 34:23

I mwiin anne, N na karekea ami tia kaawakin tiibu man te utu are ana toro te Uea are Tawita. A na kaai n reke ami tia kaawakin tiibu ae ti temanna ngkami aika kam korakora ma aika kam mamaara, ao e na kaawakiningkami raoi.

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Taniera 7:13

I nanon mitaraeakinan baikai n te tairiki anne, I noora kaanga taraan natin te aomata Ao e tabe ni kawarai, ao e katobibiaki n taian nang, ao e nakon Teuare e maiu n akea tokina ao e tei i matana.

Mika 5:6

A na kataenikaia Aturia are n aban Nimrota n aia b'ai ni buaka, ao a na kamaiura mairouia I-Aturia ngkana a roko ni buakaniira.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Warekaia Iteraera 21:14

E taekinaki n te anene are n Bokin Ana buaka te UEA kaawan Waeba ma karaangan ranna aika uarereke n te aba are Tuba (Tuba). E taekinaki naba iai te Karaanga are Arenon,

Mareko 4:34

E aki kona n taetae nako ia n aki kabonganai taeka ni kabotau; ma ngkana ti Ngaia ma ana reirei, ao E kamatatai nanoni b'aai ni kabane nako ia.

Ruka 24:25

Ao E taku Iesu nako ia, “Aomata aika kam nanobaba, ao kam waeremwe n iri nanoni b'aai ni kabane ake a atongi burabeti!

Ruka 24:44

Ao E taku nako ia, “Aikai au taeka ake I atong ngkoa nako imi, ngke I memena i roumi, b'a e riai b'a b'aai ni kabane ake a taekinaki i buku n ana tua Moote ma aia boki burabeti, ao i nanon Taian Areru, a na bane ni kakoroaki bukiia.”

Ioane 1:45

Ao Biribo e kunea Natanaera ao e taku nakoina, “E a reke iroura Teuare koreaki taekana irouni Mote ni bokin te Tua ao irouia burabeti: bon Iesu are te I-Natareta, are natin Ioteb'a.”

Ioane 12:41

E atongi baikai Itaia i bukina b'a e a kaman nora mimitongin Iesu, ao e taekinna.

Ioane 5:37

Ao te Tama are kanakomaiai boni Ngaia naba te Tia Kakoaua i buku. Kam tuai n ongo b'anaana ao n noria b'a aekara tein rab'atana;

Ioane 5:39

Kam ukeuke n te B'aib'ara b'a kam taku b'a e na reke mai iai iroumi te maiu are aki toki; ao boni ngaia are kaotioti i buku;

M'akuri 10:43

A bane burabeti ni kaotiota taekan Iesu, b'a ane onimakinna ao e na reke i rouna kab'aran ana bure n arana.

M'akuri 3:18

Ma te Atua are E a kaman tataekinna ni wiia burabeti ni kabane ae E na kamarakaki ana Kristo, E a kakoroa bukina n te aro aei.

M'akuri 3:22

B'a e kaangai Mote, “Ane E na kateirakea te burabeti temanna te UEA ae te Atua i bukimi mai buakoia ami botannaomata, b'a ai arou; kam na ongo i rouna ni b'aai ni kabane akana E na atong nakoimi.

M'akuri 3:24

Ao burabeti ni kabaneia ake a tia n taetae, ni botaki ma Tamuera ma ake a kaoti i mwina, a kaotioti naba baika na riki ni boong aikai.

M'akuri 7:37

Boni Mote aei, are kaangai nakoia tibun Iteraera, “Ane E na kateirakea temanna te Atua mai buakoia tarimi b'a te burabeti nakoimi, n ai aron are E karaoia nako iu.”

M'akuri 8:35

Ao e wakina ana karaki Biribo n taekina Iesu, ao e moanna mani kab'arab'araan nanon taeka n te m'akoro ni B'aib'ara anne.

Te Tua-Kaua 1:45

Ao i mwiina, kam okira te tabo n taromauri are i Kaatetib'aania ma n tanginiwenei iai, ma E aki ongora te UEA nakon ami tataro.

Te Tua-Kaua 18:15

Ma, E na rinea temanna mai buakoia ami aomata b'a te burabeti ae ai arou, ao kam na karaoa te b'ai are taekinna te burabeti.

Te Kaotioti 19:10

Ao I katorobubua ni bobaraaki i rarikini waena b'a N na taromauria. Ao e taku nako iu, “Tarataraiko b'a ko na aki taromauriai; bon raom n toro ngai, ao raoia naba n toro tarim ake a teimatoa n taua te koaua are E kaotiotia Iesu. Ko na taromauria te Atua n tii Ngaia; b'a te koaua are E kaotiotia Iesu boni ngaia ae angania ana aomata te Atua te kona n taetae ni burabeti.”