Ruka 24:23 - Te B'aib'ara

²³ ma a aki kunea rab'atan Iesu, ao a oki ma aia rongorongo ae a noriia anera, ake a taku b'a E maiu Teuarei.

Ruka 24:23 ပူးပေါင်းရင်းမြစ်များ

Mataio 28:6

Akea ikai, b'a E a tia ni manga uti, n ai aron are E a tia n taku. Nako mai, nora te tabo are E wene iai.

Mareko 16:11

Ma ngke a ongo b'a E a manga uti ao e a tia n noraki iroun neiei, ao a aki kakoauaa.

Ruka 24:22

Ma e ngae n anne, ao a kakubaira ara koraki n aine tabeman ake a roko n te nne ni mate: a nako n te nne ni mate ngke e a moanna n oti matan taai,

Ruka 24:24

A nako n te nne ni mate raora tabem'aang, ao a nora are a atongnga aine akekei b'a e koaua, ma a aki nora Teuarei.

Ruka 24:3

ma ngke a rin, ao a aki kunea rab'atan te Uea are Iesu.

Ioane 20:18

E nako Nei Maria are te I-M'aketara nakoia ana reirei Iesu, ao e tuangiia b'a e a tia n nora te Uea; ao e taekin ana taeka te Uea ake E taekin nakoina.