Ruka 23:7 - Te B'aib'ara

⁷ Ao ngke e a ataia b'a E mena n te aba are reke i aan ana tautaeka Erote, ao e kanakoa nakon Erote, are e mena i Ierutarem n te tai anne.

Ruka 23:7 ပူးပေါင်းရင်းမြစ်များ

Mataio 14:1

Ni boong akekei, ao e ongo rongorongon Iesu Erote are te tia tau-taeka,

Mataio 14:3

B'a e a tia n anga ana taeka Erote b'a e na tauaki Ioane b'a te bure, ao e tua b'a e na kabaeaki ao e na kakiaki i nanon te karabuuti. E karaoa aei Erote i bukin Eroria b'a e a tia ni iein ma ngaia, ao neiei boni buun tarina are Biribo.

Mataio 14:6

Ma n te tai are e kauringaki iai ana bongi ni bung Erote, ao e b'ab'atere natin Eroria te aine i mataia kaain te botaki. E kukurei Erote i rouna

Mareko 6:14

Ao te uea are Erote, e ongo taekan Iesu; b'a e a rangi n atoatongaki arana. A taku tem'angina, “E a maiu Ioane are te tia b'abetito mai buakoia maate, ma ngaia ae e a reke i rouna te m'aaka ni karaoi m'akuri aika kamimii.”

Ruka 13:31

A roko B'aritaio tabem'aang n te tai naba arei, ao a taku nakon Iesu, “Ko na nako maikai, b'a e tangiriko Erote b'a ko na kamateaki!”

Ruka 23:6

Ngke e ongo aei Birato, ao e titiraki ni kangai, “Tao te I-Kariraia te Aomata arei?”

Ruka 3:1

N ana katengauni ma nima ririki n uea Kaitara Tiberio, ngke e tautaeka Bontio Birato i Iutaia ao Erote i Kariraia, ao Biribo are tarin Erote i Iturea ao i Terakoniti, ao Rutania i Abirene,

Ruka 9:7

Ao Erote, are e tautaeka i Kariraia, e ongo taekani b'aai ni kabane ake a karaoaki, ao e iango n raraoma, i bukina b'a a taku tabem'aang b'a e a manga uti Ioane mai buakoia maate;

M'akuri 4:27

B'a e boni koaua b'a a botaki n te kaawa aei, Erote ma Bontio Birato, ma aomata aika tiaki I-Iutaia, ma aomata aika Iteraera n te kaawa aei, n eekaanako Natim are Raoiroi, are Iesu, are Ko a tia ni kabiria.