Ruka 23:5 - Te B'aib'ara

⁵ Ma a kakorakorai b'anaaia ni kangai, “E kakiriwei nanoia aomata n ana reirei i aon Iutaia ni kabuta, ni moa mai Kariraia ni karokoa naba te tabo aei.”

Ruka 23:5 ပူးပေါင်းရင်းမြစ်များ

Taian Areru 22:16

A otab'aniniai te bootaki n aomata ae buakaka b'a kanga ai aroia kamea; a ewari baiu ma waeu.

Taian Areru 57:4

A otab'aniniai taan ribaai aika ai aroia raian aika kaakang aomata; Wiia ai aroni kaai ni katebe ma kanoaia, ao neweia ai aroni kabaang aika kakang rewarewa.

Taian Areru 69:4

Te koraki ake a ribaai n akea bukina a m'aiti riki nakoni m'aitin iran atuu. A tabeki taeka ni kewe n eekainako iai; A korakora ake a kani kamateai. A tauai ma te matoa b'a N na kaoki b'aai ake I aki I raei.

Mataio 11:1

Ngke E a tia Iesu ni kabanea ana taeka ni mwioko nakoia ana reirei ake tengauni ma uoman, ao E nako maikekei b'a E na reirei, ao b'a E na kab'arab'ara n aia kawa nako.

Mataio 2:1

Ngke E bungiaki Iesu i Betereem i Iutaia n ana bong n uea Erote, ao noria, a roko i Ierutarem taan rabakau mai mainiku, ao a taku,

Mataio 27:24

Ngke e noria Birato b'a akea riki te bae e kona ni karaoia, ao b'a e a moanna n riki te kiriwe, ao e anaa te ran, ao e teboki iai baina i mataia aomata, ao e taku, “N na aki bukinaki ni maten te aomata aei; kam na bukinaki iai!”

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mareko 1:14

I mwin te tai are e a tia n tauaki iai Ioane ma ni kainaki i nanon te karabuuti, ao E roko Iesu i Kariraia ao E tataekina ana euangkerio te Atua.

Ruka 11:53

Ngke E oti nako Iesu man te tabo arei, ao taani koroboki ma B'aritaio, a kaununiia nako Ina, ao a kabatiai aia taeka n eekiianako b'a E aonga n taekini baika bati.

Ruka 23:23

Ma a kakorakorai b'anaaia n takaarua n tuanga Birato b'a E na kamatea Iesu n te kaibangaki. Ao a tokanikai b'anaaia.

Ruka 23:6

Ngke e ongo aei Birato, ao e titiraki ni kangai, “Tao te I-Kariraia te Aomata arei?”

Ioane 1:43

N te bong are i mwina, ao E moti n ana iango Iesu b'a E na nako Kariraia. E kaitibo ma Biribo, ao E taku nakoina, “Ko na irai!”

Ioane 19:15

Ao ngaiia a takarua ngkanne nakoina ao a kaangai, “Kamatea, kamatea, kamatea n te kaibangaki!” E taku Birato nakoia, “N na kamatea ami Uea n te kaibangaki?” A kaeka ibonga ake mataniwi ao a kaangai, “Akea ara uea b'a ti uean te tautaeka n Rom.”

Ioane 2:11

Aei te moa ni m'akuri ae kamimii are E karaoia Iesu i Kana i Kariraia; E kaota iai arona b'a E mimitong, ao a onimakinna ana reirei.

Ioane 7:41

Ao tem'angina a taku, “Boni Ngaia te Kristo!” Ma a taku ake tem'angina, “B'a E na kaoti te Kristo mai Kariraia?

Ioane 7:52

A kaeka ao a taku nakoina, “Te I-Kariraia naba ngkoe? Ko na ukeuke n te B'aib'ara, ao ko na noria iai b'a akea taekan te burabeti ae na kaoti mai Kariraia.”

M'akuri 10:37

Arei te taeka are e karakinaki i aon Iutaia ni kabuta, ni moa mai Kariraia i mwin te b'abetito are e tataekinna Ioane.

M'akuri 23:10

Ngke e riki te kauntaeka ae korakora, ao e makuia aomata aia mataniwi tautia b'a a kaawa n raebitia B'auro; ma ngaia are e tuangiia tautia b'a a na ruo n anaa B'auro mai buakoia, ao a na kairiia nako nanoni neia tautia are matoatoa.

M'akuri 5:33

Ao ngke a ongo arei, ao a rangi ni maraki nanoia, ao a iangoa aroni kamateaia.

M'akuri 7:54

Ngke a ongo taeka akekei kaain te Tanirim, ao a tenai bukini m'angaia b'a a rangi n un iroun Tetebano.

M'akuri 7:57

Ao a takarua te koraki arei n te b'anaa ae korakora, ao a bonoti taningaia ni baiia, ao a biri ni botaki ma te nano ae ti teuana n eweka aona;