Ruka 23:47 - Te B'aib'ara

⁴⁷ Ao mataniwin te taanga ni buaka are tebubua kaaina, ngke e nora te baere riki, ao e karaoiroa te Atua, ni kangai, “Bon te aomata ae akea ana bure Teuaei!”

Ruka 23:47 ပူးပေါင်းရင်းမြစ်များ

Mataio 27:51

Ao noria, e raeuaki nakoni m'akoro aika uoua te kunnikai are rokin te ruu are tabu n te um'antabu, mai eta nako nano; ao e m'aeiei aon te aba, ao a tabwenaua taiani b'a;

Mataio 27:54

Ngke e nora m'aeiein te aba ma baike a riki mataniwin te taanga ni buaka are tebubua kaaina, ao a noria naba raona ake a tantani i rarikin Iesu, ao a taonaki n te maaku ae korakora; ao a taku, “Bon te koaua b'a Natin te Atua Teuaei!”

Mataio 9:8

Ngke a nora te baere riki aomata, ao a maaku, ao a kamoamoa te Atua are E a tia n angania aomata te m'aaka ae ai aron aei.

Mareko 15:39

Ao te mataniwi n te taanga ni buaka are tebubua kaaina, ngke e nora Iesu b'a E mate n te aro arei, ao e taku, “Bon te koaua b'a Natin te Atua te Aomata aei.”

Ruka 23:41

Ao ngaira, e bon riai n reke aei i roura; b'a ti karekea mwin are ti a tia ni karaoia, ao Teuaei E aki karaoa ae buakaka.”

Ioane 19:7

A kaekaa I-Iutaia ao a taku, “Iai ara tua ae kaotaki iai b'a E riai kamateana, i bukina ngke E atongnga b'a Natin te Atua Ngaia.”