Ruka 23:46 - Te B'aib'ara

⁴⁶ Ao E taetae ngkanne Iesu n te b'ana ae korakora, ao E kangai, “Tamau, I kaaki tamneiu i nanoni baim!” Ao ngke E tia n atonga aei, ao E mate.

Ruka 23:46 ပူးပေါင်းရင်းမြစ်များ

Taian Areru 31:5

I kaaki taekau i nanoni baim; B'a Ko kamaiuai, te UEA ae te Atua ae Ko kakaonimaki.

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Ioane 19:30

Ao ngke E tia ngkanne Iesu ni katoonga te wain arei, ao E taku, “E a tia!” Ao E karara atuna, ao E anga tamneina.

M'akuri 7:59

Ao ngke a kume ni karebanaa Tetebano, ao ngaia e m'anewea aran te UEA, ao e kaangai, “Te UEA ae Iesu, Anaa tamneiu!”

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.

1.Betero 2:23

Ngke E taetaebuakaki, ao E aki kabooa n te taetaebuaka naba; ngke E kamarakaki, ao E aki taetae b'a E na kareke kaiia ake a kamarakia; ma E kaaki taekana nakon Teuare motiki raoi taeka.