Ruka 23:34 - Te B'aib'ara

³⁴ Ao E taku Iesu, “Tamau, kab'ara aia bure; b'a aki ata ae a karaoia.” Ao tautia a kakaea n te m'akuri ni kaiwa b'a antai ae na reke tib'ana ni kunnikain Iesu.

Ruka 23:34 ပူးပေါင်းရင်းမြစ်များ

Karikani B'aai 50:17

ao e tuangiira b'a ti na bubutiiko, ‘Ko na kab'arai aia bure tarim n aron aia kaairua ake a tia ni karaoia nako im.’ Ti butiiko ngkai b'a ko na kab'arai ara bure ake ti a tia ni karaoi, ngaira aika ana toro Atuan tamam.” Ao e tang Ioteb'a ngke e reke i rouna te rongorongo arei.

Taian Areru 22:18

A tib'atib'ai kunnikaiu i marenaia n te aro ni kaiwa.

Itaia 53:12

E na anganna te UEA kaniwangana te karineaki ao te m'aaka ngkai e kareana maiuna. A taku tabem'aang b'a te tia bure ngaia, ma e karawaawataaki i bukin ara bure nako ao e buubutia te Atua kab'araan ara bure.

Mataio 11:25

Ao ni boong akekei, ao E taetae Iesu ni kangai, I karab'ako, Tamau, ae Ueani karawa ma aonnaba, b'a Ko karabai baikai nakoia akana rabakau ma akana wanawana, ao Ko kaoti nakoia merimeri.

Mataio 11:26

Eng, Tamau, b'a aei aron nanom n akoi.

Mataio 5:44

Ma Ngai I taku nako imi, Kam na tangiriia ami kairiribai, ao tataro i bukiia akana b'ainikiriningkami,

Mareko 15:24

A katinea i aon te kaibangaki, ao a kakaaea n te m'akuri ni kaiwa b'a antai ae na reke tib'ana n ana kunnikai Iesu; ao a karaoa aei b'a aia kawai n tib'atib'ai kunnikaina.

Ruka 22:42

“Tamau, ngkana e riai i Roum, ao Ko na kararoa mai Rou te rawawata ni maraki ae N nang taonaki iai; ma tiaki nanou ae na karaoaki, ma e na karaoaki nanom.”

Ioane 17:9

“I tataro i bukiia; I aki tataro i bukin te aba, ma I tataro i bukiia aika Ko anganai, b'a am b'ai ngaiia.

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

M'akuri 16:28

Ma e kanenea b'anaana B'auro n taetae nakoina ni kaangai, “Tai karaoa ae buakaka nako im, b'a ti bane ni mena ikai!”

M'akuri 3:17

Ma ngaia aei, raou, I ataia b'a te baere kam karaoia ma ami mataniwi nakon Iesu, kam karaoia ma te aki oota.

M'akuri 7:60

Ao e katorobubua, ao e taetae n te b'anaa ae korakora ni kaangai, “Te UEA, kab'ara aia bure n te b'ai ae a tia ni karaoia.” Ngke e a tia n atonga aei, ao e matu.

I-Rom 12:14

Kam na taetae ni kakab'aiaia akana b'ainikiriningkami; taetae ni kakab'aiaia, ao tai atongi taeka aika a na reke kaiia iai.

1.I-Korinto 2:8

Akea irouia taan tautaeka n te aonnaba aei ae ata te rabakau aei. B'a ngke a ataia, ao a na bon aki kamatea n te kaibangaki te UEA, are ana b'ai te neboaki.

1.I-Korinto 4:12

ao akea motirawara ni m'akuri ma baira. Ngkana a taetae n iowawa aomata nako ira, ao ngaira ti taetae ni kakab'aiaia; ngkana ti b'ainikirinaki, ao ti taotaon nanora.

1.Timoteo 1:13

Bon te tia taetaebuaka ngai ngkoa, te tia b'ainikirina te aba, ao te tia iowawa; ma I nanoangaki, i bukina ngke I karaoi arou akanne ma te roo n nano b'a I tuai n onimaki.

1.Betero 3:9

Kam na tai kabooa te buakaka n te buakaka, ao te taetaebuaka n te taetaebuaka; ma kam na taetae ni kakab'aiaia aomata; b'a kam weteaki nakon aei, b'a kam aonga ni karekea te kakab'aiaki.