Ruka 23:29 - Te B'aib'ara

²⁹ B'a noria, ane a na roko boong ake a na kangai iai, “A a kab'aia akana kanoabo, ma biroto akana aki bung, ma mamma akana tuai ni kamammaia ataei!”

Ruka 23:29 ပူးပေါင်းရင်းမြစ်များ

Te Minita 4:3

Ma a kab'aia riki akana a tuai ni bungiaki nakoia aomata ni kabane, i bukina b'a a aki te roko n noori baika a buakaka aika a riki n te aonnaba aei.”

Otea 13:16

E na katuaaeaki Tamaria i bukina ngke e manga kaaitaraai. E na uruakaki n te buaka a na oreaki ataeina ma taiani b'aa, ao a na katabwenaaki birotoia aine aika a bikoukou.

Mataio 24:19

Ao ai kawara ake iai natiia aika uarereke, ao ake a kamammai natiia ni boong akanne!

Ruka 11:27

Ngke E tia n atongi taeka akekei Iesu, ao e kanenea b'anaana te aine temanna i buakon te koraki arei, ao e taku nako Ina, “E a kab'aia te biroto are bungiko ao mamma ake Ko mammai!”

Ruka 23:28

Ao E rairaki Iesu nako ia ao E taku, Natin Ierutarem aika aine, tai tang i buku! Ma kam na tang i bukimi ao i bukiia natimi.