Ruka 23:2 - Te B'aib'ara

² Ao a bukinna ni kangai, “E reke i roura Teuaei ngke E tabe n anaa nanon ara botannaomata aei ni kab'aoua, ao E tukiira b'a ti na aki kab'akai ara taekiti nakoni Kaitara, ao E taku b'a Ngaia bon te Kristo ae te uea.”

Ruka 23:2 ပူးပေါင်းရင်းမြစ်များ

1.Uea 18:17

ao ngke e nooria, ao e takaarua Aaba ni kaangai, “Ai boni ngkoe anne te tia kakiriwe i aon Iteraera. Ko rangi ni buakaka.”

Taian Areru 35:11

Iai ake a kewe n aia kaotioti i buku; Ao a bukinai b'a I karaoi m'akuri ni kakeru aika I aki atai.

Taian Areru 62:4

Kam ti kani kab'aka mani nena ni karineaki; A maiu nanomi n te kewekewe. Kam taetae ni kakab'aia te aomata, ma kam karereantia i nanomi.

Ieremia 20:10

I ongo aia maningongoo aomata ae e kaangai, “A bane ni maaku aomata nako. Ara tai ngkai ni bukina Ieremia!” Akea te b'ai riki ae a karaoia raoraou ake I tataneiai ma ngaiia b'a ti tataningaan b'akau. A taku, “Tao e na bon konaa ni kam'aneaki Ieremia. Ao i mwiina, ti kab'aka ao e na booraoi arora ma ngaia rimwi.”

Ieremia 38:4

Ma ngaia are, a m'ananga ni kawara te uea naake aman akekei ao a taku, “E na riai ni tiringaki Ieremia b'a e kab'arai nanoia tautian te kaawa aei ma aomata ni kabane, e kataia ni kakiriwei nanoia aomata.”

Amota 7:10

Ao e kanakoa te rongorongo Amatia are ibongan Betaera nakon uean Iteraera are Ieroboam ae e kaangai, “E kabuakakako Amota nakoia aomata. A rawawata a na taeka n te aro are a kiriwe nanoia aomata iai.

Tekaria 11:8

E aki koro teuana te nam'akaina, I aki konaa n taotaona nanou irouia taani kaawakin tiibu aika teniman aika a ribaai, ao I karaoi taekaia.

Mataio 17:27

Ma ti aki kani kauniia aomata aikai. Ma ngaia ae ko na nako n te nama, ao tewea nako am ao ma matauna, ao anaa te moa n ika ane teke; ao ngkana ko kaurea wina, ao ane ko na kunea te m'ane iai. Ko na anaia ao anganiia i buku ao i bukim.”

Mataio 22:21

A kaeka ao a taku, “Kaitaraa.” E taku ngkanne nako ia, “Ma ngaia ae kam na angani Kaitaraa akana ana b'ai Kaitaraa; ao angan te Atua akana ana b'ai te Atua.”

Mataio 27:11

E tei Iesu i matan te tia tau-taeka; ao e titirakina Iesu, ni kangai, “Aia Uea I-Iutaia Ngkoe?” E taku Iesu, “Ngaia ane ko taku!”

Mareko 12:17

E taku ngkanne Iesu, “Angan te uea n Rom b'aai akana ana b'ai te uea n Rom, ao angan te Atua b'aai akana ana b'ai te Atua.” Ao a mimi iroun Iesu.

Mareko 15:2

Ao e titirakinna Birato ni kangai, “Aia King I-Iutaia Ngkoe?” Ao E kaeka Iesu ni kangai, “Ngaia ane ko taku.”

Ruka 23:14

ao e taku nako ia, “Kam a uota mai nako iu te Aomata aei, b'a kanga temanna ae kakiriwei nanoia aomata; ao noria, I a tia n kekera arona i matami, ao I aki kunea buren te Aomata aei ni baike kam bukinna iai;

Ruka 23:5

Ma a kakorakorai b'anaaia ni kangai, “E kakiriwei nanoia aomata n ana reirei i aon Iutaia ni kabuta, ni moa mai Kariraia ni karokoa naba te tabo aei.”

Ioane 18:29

Ma ngaia are, e oti nako nakoia Birato, ao e titirakiniia ni kaangai, “Tera ae kam bukina te aomata aei iai?”

Ioane 18:30

A kaeka ao a taku nakoina, “Ngke arona b'a akea te m'akuri ae buakaka ae E karaoia, ao ti aki kona n anganiko.”

Ioane 19:12

Ngke e ongo aei Birato, ao e ukoukora te anga are e na kainaomata iai Iesu. Ma a takarua nakoina aomata, ao a kaangai, “Ngkana ko kainaomata Iesu, ao tiaki raoni ngkoe uean te tautaeka n Rom. Ane taku b'a te uea ngaia ao bon te tia eekaanako uean te tautaeka n Rom.”

M'akuri 24:13

Ao a aki kona ni kakoauai nako im baikana a bukinai iai.

M'akuri 24:5

B'a ti kunea te aomata aei b'a e iowawa: e karika te kiriwe i buakoia I-Iutaia ni kabaneia i aon aaba nako, ao ngaia mataniwin te botaki ae a atongaki kaaina b'a Natarene;

I-Rom 13:7

Anga b'aai ni kabane akana kam bae iai: te taekiti nakoia taan anai taekiti, te tiute nakoia taan anai tiute, te maaku nakoia akana riai ni makaki, ao te karinerine nakoia akana riai ni karineaki.