Ruka 22:70 - Te B'aib'ara

⁷⁰ Ao a bane ni kangai, “Natin te Atua Ngkoe, ngkanne?” Ao E kaekaia, ni kangai, “Kam taku ngkami b'a Ngaia Ngai.”

Ruka 22:70 ပူးပေါင်းရင်းမြစ်များ

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

Mataio 26:25

Ao Iuta, are e a tia n anga nanona b'a e na kam'anea Iesu, e taku, “Te Tia Reirei, ngai?” E kaeka Iesu ao E taku, “Ngaia ane ko taku!”

Mataio 26:64

E taku Iesu nako ina, “Ngaia ane ko taku. Ma I tuangngkami b'a ane kam na nora Natin te Aomata ni moa man te tai aei b'a E tekateka i angatain Teuare M'aka, ao b'a E nako mai i aon nangini karawa!”

Mataio 27:11

E tei Iesu i matan te tia tau-taeka; ao e titirakina Iesu, ni kangai, “Aia Uea I-Iutaia Ngkoe?” E taku Iesu, “Ngaia ane ko taku!”

Mataio 27:43

E onimakina te Atua; ke E kamaiua te Atua ngkai ngkana E tangiria, b'a E kangai ana taeka, Natin te Atua Ngai.”

Mataio 27:54

Ngke e nora m'aeiein te aba ma baike a riki mataniwin te taanga ni buaka are tebubua kaaina, ao a noria naba raona ake a tantani i rarikin Iesu, ao a taonaki n te maaku ae korakora; ao a taku, “Bon te koaua b'a Natin te Atua Teuaei!”

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Mataio 4:3

Ao E kawaria te riaboro ao e taku nako Ina, “Ngkana Natin te Atua Ngkoe, ao Ko na tua b'a a na riki ni kariki atiibu aikai.”

Mareko 14:62

E kaeka Iesu, ao E taku, “Boni Ngai; ao ane kam na nora Natin te Aomata b'a E na tekateka i angaatain Teuare m'aaka, ao b'a E na nako mai n nangini karawa.”

Mareko 15:2

Ao e titirakinna Birato ni kangai, “Aia King I-Iutaia Ngkoe?” Ao E kaeka Iesu ni kangai, “Ngaia ane ko taku.”

Ruka 22:71

Ao a taku, “Tera te kakoaua ae ti na tangiria riki? B'a ngaira ti a bon tia n ongo mai wina!”

Ruka 23:3

Ao e titirakinna Birato, ni kangai, “Aia Uea I-Iutaia Ngkoe?” Ao Ngaia E kaeka, ni kangai, “Ngaia ane ko taku.”

Ruka 4:41

A oti nako naba taimonio mairouia aomata aika bati, ao a takarua ni kangai, “Bon Natin te Atua Ngkoe!” Ma E takuia b'a a na akea te b'ai ae a na taekinna, i bukina b'a a ataia n ae te Kristo Ngaia.

Ioane 1:34

I a tia n noria ao n tataetae ni kakoaua i bukina: bon Natin te Atua Ngaia.”

Ioane 1:49

E taku Natanaera, “Te Tia Reirei, bon Natin te Atua Ngkoe; aia Uea Iteraera Ngkoe!”

Ioane 10:30

Ti temanna Ngai ma te Tama.”

Ioane 10:36

ao e aera ngkanne b'a kam na kaangai, Ko bakanatua, i bukina ngke I kaangai, Natin te Atua Ngai? Ao bon te Tama ae rineai ao E kanakoai nako aonnaba.

Ioane 18:37

E taku ngkanne Birato nakoina, “Bon te uea Ngkoe ngkanne?” E kaeka Iesu ao E taku, “Ko taku b'a te uea Ngai I bungiaki i bukin ae ti te kaotiota te koaua, ao aei naba bukin ae I roko iai i aon te aba. Ane b'ab'aina te koaua, ao e ongo b'anaau.”

Ioane 19:7

A kaekaa I-Iutaia ao a taku, “Iai ara tua ae kaotaki iai b'a E riai kamateana, i bukina ngke E atongnga b'a Natin te Atua Ngaia.”