Ruka 22:42 - Te B'aib'ara

⁴² “Tamau, ngkana e riai i Roum, ao Ko na kararoa mai Rou te rawawata ni maraki ae N nang taonaki iai; ma tiaki nanou ae na karaoaki, ma e na karaoaki nanom.”

Ruka 22:42 ပူးပေါင်းရင်းမြစ်များ

Taian Areru 40:8

Ai kukurei ra ngai ni karaoa ae Ko tangiria, Atuau! I kawakina am Tua i nanou.

Itaia 51:17

Ierutarem, uti! Teirake! Ko a rangi ni manging n te m'angko are e kanoaaki ni unin te UEA. Ko a tia n ong timtimna ni kabane, ao ko a aki konaa n nakonako raoi.

Itaia 51:22

iroun te UEA ae Atuam, are e tei i bukim ao e kaangai, “I a tia n anaa te m'angko are e on n te un mai nanoni baim are ko riki ni manging iai. Ao ko na aki manga kairoroaki b'a ko na manga mooi iai.

Ieremia 25:15

E kaota nako iu te kaotioti te UEA ae Atuaia Iteraera ae e kaangai nanona, “Ieremia, aio te m'angko ae e kanoaaki n wainin uniu. Anaia ao kamooia teutana aomata ni kabane mai iai.

Mataio 11:25

Ao ni boong akekei, ao E taetae Iesu ni kangai, I karab'ako, Tamau, ae Ueani karawa ma aonnaba, b'a Ko karabai baikai nakoia akana rabakau ma akana wanawana, ao Ko kaoti nakoia merimeri.

Mataio 11:26

Eng, Tamau, b'a aei aron nanom n akoi.

Mataio 20:22

Ma E kaeka Iesu ni kangai, “Kam aki ata te b'ai ane kam bubuti i bukina. Kam kona ni moi ni m'angkon te karawawataki ae N nangi nimma?” A taku nako Ina, “Ti kona.”

Mataio 26:39

Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

Mataio 26:42

Ao E a manga nako riki n tataro ao E kangai, “Tamau, ngkana e aki kona n nako aei, b'a N na boni moi iai, ao e na tauaki am taeka.”

Mataio 26:44

Ma ngaia are E a manga kitaniia, ao E nako n tataro te katenua n tai, ao E atongi taeka naba ake E a tia n atong.

Mataio 6:10

E na roko Ueam, E na tauaki am taeka i aonnaba n ai aron tauana i karawa.

Mareko 14:36

Ao E taku n ana tataro, “Aaba, Tamau, a konaaki b'aai ni kabane i Roum; Ko na uota nako te m'angko ni karawawata aei mai Rou; ma tiaki nanou ae na iraki, ma e na iraki nanom.”

Ruka 23:34

Ao E taku Iesu, “Tamau, kab'ara aia bure; b'a aki ata ae a karaoia.” Ao tautia a kakaea n te m'akuri ni kaiwa b'a antai ae na reke tib'ana ni kunnikain Iesu.

Ioane 18:11

E taku ngkanne Iesu nakoni Betero, “Karina am kabaang i nanoni nena; e kanga, N nang aki moi ni m'angkon te rawawata ae E a tia n anganai Tamau?”

Ioane 4:34

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

Ioane 5:30

Akea te b'ai ae I kona ni karaoia n aron te m'aaka ae iai irou. I motiki-taeka n ai aron tuangau iroun Tamau, ao e eti au motiki-taeka i bukina b'a I aki ukoukora are oin nanou, ma I ukoukora nanon Tamau are kanakomaiai.

Ioane 6:38

B'a I roko mai karawa, tiaki i bukini karaoan nanou, ma i bukini karaoan nanon Teuare kanakomaiai.

M'akuri 21:14

Ao ngke e aki iri nanora B'auro, ao ti aki manga karongoa i mwin are ti kaangai, “E na tauaki ana taeka te UEA.”