Ruka 22:36 - Te B'aib'ara

³⁶ Ao E taku nako ia, “Ma ngkai, ane iai ana b'auti ni m'ane ao ke e uotia, ao ai arona naba ma nen ami b'ai. Ao ane akea ana kabaang ao ke e kabooa nako kunnikaina ni karekea te kabaang iai.

Ruka 22:36 ပူးပေါင်းရင်းမြစ်များ

Mataio 10:10

ao tai uoti neni kanami i bukini m'anangami, tai uoti uoua te kabaraki, tai ua kauniwae, ao tai ua oko; b'a e riai b'a e na anganaki te tia m'akuri baika e kainanoi i bukini maiuna.

Ruka 22:35

Ao E taku nako ia, “Ngke I kanakoingkami ma akea ami b'auti ni m'ane ao akea nen ami b'ai ma ami kauniwae, iai te b'ai ae kam kainanoia ae e aki reke i roumi?” Ao ngaiia, a kangai, Akea.

Ruka 22:37

B'a I taku nako imi b'a e riai b'a a na kakoroaki i Rou bukin taeka ake a koreaki ake a kangai, Ao E warekaki i buakoia taani bure; b'a baika koreaki b'a taekau, a na boni bane ni koro bukiia.”

Ruka 22:38

Ao ngaiia a kangai, Te Uea, noria, aikai kabaang aika uaai. Ao Ngaia E taku nako ia, “E a tau.”

Ioane 15:20

Kam na uringa te taeka are I atongnga nakoimi are kaangai, ‘E aki kakannato riki te toro nakon ana uea.’ Ngke a b'ainikirinai, ao a na boni b'ainikiriningkami naba; ngke a ongeaba nakon au taeka, ao a na bon ongeaba naba nakon ami taeka.

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

1.I-Tetaronike 3:4

B'a ngke ti mena i roumi, ao ti tuangngkami b'a ti na karawawataki. Ti taekina aei i m'ain rikina; ao n aron ae kam ataia, b'a e bon riki.

1.Betero 4:1

Ma ngaia ae ngkae E a tia ni maraki Kristo n rab'atana ao kam na tauraoi naba ni b'aina te nano ae ti te arona ma nanona; b'a ane e a tia ni maraki n rab'atana ao e a tia n aki tau-taekanaki maiuna n te bure.