Ruka 22:35 - Te B'aib'ara

³⁵ Ao E taku nako ia, “Ngke I kanakoingkami ma akea ami b'auti ni m'ane ao akea nen ami b'ai ma ami kauniwae, iai te b'ai ae kam kainanoia ae e aki reke i roumi?” Ao ngaiia, a kangai, Akea.

Ruka 22:35 ပူးပေါင်းရင်းမြစ်များ

Karikani B'aai 48:15

Ao i mwiin anne, ao e a kakab'aiaa Ioteb'a, “E bia kakab'aiaia ataei ni mm'aane aikai te Atua are a toro i rouna tamau ake Aberaam ao Itaaka. E bia kakab'aiaia te Atua are E a tia ni kairai nakon te bong aio.

1.Uea 11:22

Ao e titirakinna te uea, “Bukin tera?” “Iai te b'ai teuana ae ko tangiria ae I tuai anganiko?” Ao e taku, “Bon akea ma I a tangiria n okira mwengau.”

Taian Areru 23:1

Bon te UEA te tia kaawakinai ngkai kanga te tiibu ngai. E na aki kai nanou n te b'ai teuana

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Ruka 10:4

Kam na aki uota te b'auti ni m'ane, nen ami b'ai, ao ami kauniwae; ao kam na aki kamauriia ni kabaneia ane kam kaitibo ma ngaiia n ami tai ni m'ananga.

Ruka 22:34

Ao Ngaia E kangai, “I tuangko Betero, b'a e na aki tangi te moa n te bong aei, ni karokoa ko katenua te tai am taeka n rawa b'a ko kinai.”

Ruka 22:36

Ao E taku nako ia, “Ma ngkai, ane iai ana b'auti ni m'ane ao ke e uotia, ao ai arona naba ma nen ami b'ai. Ao ane akea ana kabaang ao ke e kabooa nako kunnikaina ni karekea te kabaang iai.

Ruka 9:3

Ao E taku nako ia, “Akea te b'ai ae kam na uotia ni m'anangami: akea te oko, akea nen ami b'ai, akea te kariki, ao akea te m'ane; ao kam na aki kauoua ami kabaraaki.

2.I-Korinto 8:15

n ai aron are koreaki ni kangai: “Ane rikoriko ni kabatia, ao akea nikirana; Ane rikorikoa ae ti teutana, ao e aki kai nanona.”

Te Tua-Kaua 8:16

Ao E anganingkami naba te maana, te aekaki n am'arake ae a tuai ma ongongo taekana ami bakatibu. E kataingkami te UEA b'a kam aonga n onimakinna, b'a E aonga ni karaoa ae raoiroi nakoimi rimwi.