Ruka 22:32 - Te B'aib'ara

³² Ma I a tia n tataro i bukim b'a e na aki bua am onimaki; ao ngkana ko a manga rairaki, ao ko na kateimatoaia tarim.”

Ruka 22:32 ပူးပေါင်းရင်းမြစ်များ

Mataio 18:3

ao E taku: E koaua ae I a tuangngkami, b'a ngkana kam aki bitii aromi ao kam aki katotoong aroia ataei, ao kam na bon aki kona n rin n Uean te Atua.

Mataio 26:75

ao Betero e uringa ana taeka Iesu ngke E kangai, “I m'ain tangin te moa, ao ane ko na katenua kakeaau.” Ao e oti nako, ao e katumaua te tang.

Mareko 14:72

Ao e a manga tangi naba te moa. Ao Betero, e uring ana taeka Iesu ngke E kangai nako ina, “Ane ko na katenua kakeaau ngkana e tuai ni kauoua tangina te moa.” Ao ngke e uringnga, ao e tang.

Mareko 16:7

Ma kam na nako, ao tuangiia ana reirei ma Betero naba b'a ae E ri moami nako Kariraia; ane kam na noria ikekei, n aron are E a tia n tuangngkami.

Ruka 8:13

Ao ake i aon te ririb'a bon te koraki ake a ongo te taeka ao a kaaki i nanoia ma te kim'areirei; ti te bo te koraki aei ma koraa ake akea wakaaia: a onimaki i nanon te tai ae aki maan, ma ngke a kaririaki ao a b'aka.

Ioane 14:19

Ai ti teutana, ao e na aki manga norai aonnaba; ma kam na manga norai. Ngkai N na manga uti, ao ngkami kam na manga uti naba.

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

2.Timoteo 2:18

ake a tia ni b'aoua nako man te koaua, ngkai a taku b'a e a kaman tia n roko bongin te manga-maiu man te mate; ao a uru aia onimaki iai tabem'aang.

Tito 1:1

Ngai ae B'auro, ana toro te Atua, ao ana tia tuatua Iesu Kristo, i bukin aia onimaki ake a rineaki iroun te Atua, ma ataakin te koaua n te Aro ni Kristian.

Ebera 12:15

Kam na tarataraingkami b'a e kawa temanna ni b'aka man te akoaki iroun te Atua, ao b'a e kawa n riki b'a kanga ai aron te wakaa ae mao ni kakiriweingkami, ao a na kam'araeaki iai aomata aika bati.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

1.Betero 1:1

Mairouni Betero, ae ana tia tuatua Iesu Kristo, nakoia akana rineaki akana iruwa akana uamaae i Bonto, ao i Karatia, ao i Kabatokia, ao i Atia, ao i Bitunia,

1.Betero 1:13

Ma ngaia ae kam na tatauraoi n ami iango nako; kam na kamarurungngkami, ao kam na teimatoa ni kaantaninga te akoi are na uotaki nakoimi ngkana E a manga oki Iesu Kristo.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

2.Betero 3:14

Ma ngaia aei, ngkami aika kam tangiraki, ngkai kam tiku ni kakantaninga, ao kam na kakorakoraingkami b'a kam aonga n noraki i rouna b'a akea baarekami ke te bae buakaka iroumi, ao kam rau ni maiumi

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.