Ruka 22:30 - Te B'aib'ara

³⁰ b'a kam aonga n am'arake ma ni moi n au taibora n Ueau, ao n tekateka i aoni kaintokanuea b'a kam na motiki taekaia aia baronga Iteraera ake tengauni ma ua baronga.

Ruka 22:30 ပူးပေါင်းရင်းမြစ်များ

2.Tamuera 19:28

Ma e ngae n anne, ao ko riai n tia n tiringiia au utu ni kabane ma ngai, ma ko aki b'a ko a manga kam'arakeai n am taibora. Te uea ae ko karineaki, tera riki ae N na buubuti iai?”

Taian Areru 49:14

A motikaki bukiia b'a a na mate n ai aroia tiibu; E na riki te mate b'a te tia kawakinia n ai aron te tia kawakin-tiibu, are na kairiia nakon te ruanimate. A na tauaki aroia n te ingabong irouia akana raoiroi, ngkai a waekoa ni mka rab'ataia n te ruanimate, ike e raroa nako mani mwengaia.

Mataio 19:28

E taku Iesu nako ia: E koaua ae I a tuangngkami, b'a ngkana E tekateka Natin te Aomata i aon ana kaintokanuea are tamaroa, n te aonnaba ae boou ao ngkami, aika kam irirai, ane kam na tekateka naba i aoni kaintokanuea aika tebwi ma uoua, n tautaekaniia aia baronga Iteraera ake tengauni ma ua baronga.

Mataio 5:3

A a kab'aia akana nanorinano, b'a aia b'ai Uean te Atua.

Mataio 8:11

Ao I taku nako imi, b'a a na roko aomata aika bati mai mainiku, ao mai maeao, ao a na tekateka n rarikiriki n am'arake ma Aberaam, ma Itaaka, ma Iakob'a, n Uean te Atua;

Ruka 12:37

A kab'aia tooro akana e noria te mataniwi b'a a tabe n tantani ngkana e roko; e koaua ae I a tuangingkami b'a e na kabaea nuukana ao e na katekatekaia b'a a na am'arake, ao e na roko n touati i bukiia.

Ruka 14:15

Ngke e ongo taeka aikai temanna i buakoia aomata ake a rarikiriki n am'arake ma Iesu, ao e taku nako Ina, “E a kab'aia te aomata are na am'arake n uean te Atua!”

2.Timoteo 2:12

Ngkana ti taotaon nanora, ao ti na uaia n tautaeka ma Ngaia; Ngkana ti kakeaa, ao E na manga kakeaira naba;

Iakobo 1:1

Mairoun Iakobo, ae ana toro te Atua ma te Uea are Iesu Kristo; nakoia ana aomata nako te Atua ake a uamaae i aonnaba; kam na mauri.

Te Kaotioti 19:9

Ao e taku te anera nako iu, “Ko na korea ae kaangai, A a kab'aia akana kaoaki nakon ana am'arake ni mare te Tiibuteteei.” Ao e kaangai naba, “Taeka aikai bon taeka aika koaua aika ana taeka te Atua.”

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

Te Kaotioti 4:4

Ao e katobibiaki te kaintokanuea arei ni kaintokanuea aika uabwi ma aua; ao I nooriia unimm'aane aika uangauni ma aman b'a a tekateka i aoni kaintokanuea ake uabwi ma aua ao a kunnikainiia ni kunnikai aika mainaina, ma baunuea aika koora i aon atuia.