Ruka 22:19 - Te B'aib'ara

¹⁹ Ao E anaa te berena, ao ngke E tia n tataro ni katituaraoi, ao E urua ao E anganiia ana reirei, ao E kangai, “Rab'atau aei ae I anga i bukimi, Karaoa aei b'a kanuringau!”

Ruka 22:19 ပူးပေါင်းရင်းမြစ်များ

Taian Areru 111:4

Moan te kakannato te Atua n ana m'akuri aika kamimii; E ataataiaomata ao e nanoanga.

Ana Anene Toromon 1:4

Kawaekoako, au uea! Ti a kawaekoaira. Kairai nakoni mwengam. Ti rangi ni kukurei iroum! Ao ti neboa am tangira nakon riki te wain. Ataeinainen Ierutarem, e tamaroa b'a kam na ti neboia.

Etekiera 37:11

Ao E taku te UEA: Etekiera, ti te bo Iteraera ma taian rii aika a mate. A ngurengure b'a a m'au n te aro are akea kaantaningaan boong aika a na roko irouia.

Etekiera 5:5

Bon te UEA ae te Atua Ngai, ao I a tia ni karaoa Ierutarem b'a te tabo ae te kabanea ni kakannato n te aonnaba, ao a na bane ni mimiakinna botannaomata nako.

Taniera 2:38

E a tia ni karikiko b'a te tia tautaeka n taabo nako aika iai kaaina n te aonnaba, ao te tia tautaeka i aoia man aika kawakawa ma mannikiba. Boni ngkoe te atu are te koora.

Mataio 14:19

E tuangiia ngkanne aomata b'a a na tekateka i aon uteute; ao e anai kariki ake nimaai ao ika ake uoman, ao E tara rake nako karawa, ao E kaitaua te Atua. E urui kariki ao E angania ana reirei, ao ana reirei a angania aomata.

Mataio 15:36

ao E anai kariki ake itiai ma ika; ao ngke E a tia n tataro ni katituaraoi, ao E urui, ao E anganiia ana reirei, ao ngaiia a manga anganiia aomata.

Ruka 22:17

Ao E anaa te m'angko ni wain, ao ngke E tia n tataro ni katituaraoi, ao E kangai, “Anaa aei, ao katoaingkami ni buobuoki ni moi iai.

Ruka 22:20

Ao E anaa naba te m'angko i mwin te am'arake ao E karaoa naba are E karaoia ngke E anaa te berena, ao i mwina E kangai, “Te m'angko aei te boraraoi ae boou i nanon raraau, ae kawawaeaki i bukimi.

Ruka 24:30

Ngke E taibora n am'arake ma ngaiia, ao E anaa te kariki ao E tataro ni katituaraoi, ao E urua, ao E anganiia.

Ioane 6:23

Ma iai tabewa booti ake a roko mai Tiberia nako rarikin te tabo are a kang kariki iai aomata i mwin ana tataro ni katituaraoi te Uea.

Ioane 6:51

Ngai te am'arake ae reke te maiu mai iai are ruo mai karawa. Ane kana te am'arake aei, ao e na maiu n aki totoki; ao te am'arake ae N na anga i bukini maiun te aonnaba bon irikou.”

1.I-Korinto 10:16

Ngke ti moi man te m'angko are ti tataro i bukina b'a e na kakab'aia te Atua, tiaki anne te i buokanib'ai n raraani Kristo? Ao ngke ti kana te berena are ti urua, tiaki anne te i buokanib'ai n rab'atani Kristo?

1.I-Korinto 10:4

ao a bane naba n nima te moi n Tamnei ae ti te arona, are E anganiia te Atua ni m'aakana. B'a a moi man te b'a are e iririia, are te b'aa are mairoun te Atua; ao te b'aa arei boni Kristo.

I-Karatia 1:4

are anga Ngaia i bukin ara bure, b'a E aonga ni kamaiura mai aon te aba ae buakaka aei, n ai aron nanon Atuara ae Tamara,

I-Karatia 4:25

Aka bon te maunga are Tinai i Arabia, ao bon te banna ni kabotau naba i bukin Ierutarem ae ngkai, n arona n toronaki ma kaaina ni kabaneia.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

1.I-Tetaronike 5:18

kam na katituaraoi ni b'aai ni kabane. B'a bon aei nanon te Atua i bukimi ngkai kam reitaki ma Kristo Iesu.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.