Ruka 22:17 - Te B'aib'ara

¹⁷ Ao E anaa te m'angko ni wain, ao ngke E tia n tataro ni katituaraoi, ao E kangai, “Anaa aei, ao katoaingkami ni buobuoki ni moi iai.

Ruka 22:17 ပူးပေါင်းရင်းမြစ်များ

Taian Areru 116:13

N na uota te wain b'a au karea nakon te UEA, ni katituaraoia i bukini kamaiuakiu i rouna.

Taian Areru 23:5

Ko katauraoa te baka ae ab'ab'aki ibuku ike a na norai iai taan ribaai. Ko butim'aeai b'a kanga te iruwa ngai ao ko kaona au m'angko ni karokoa e taonako.

Ieremia 16:7

Bon akea ae e na uota te am'arake ao te wain ni buokiia ni karaui nanoia akana tang i bukin mateia tamaia ma tinaia.

Mataio 14:19

E tuangiia ngkanne aomata b'a a na tekateka i aon uteute; ao e anai kariki ake nimaai ao ika ake uoman, ao E tara rake nako karawa, ao E kaitaua te Atua. E urui kariki ao E angania ana reirei, ao ana reirei a angania aomata.

Mataio 15:36

ao E anai kariki ake itiai ma ika; ao ngke E a tia n tataro ni katituaraoi, ao E urui, ao E anganiia ana reirei, ao ngaiia a manga anganiia aomata.

Mataio 26:26

Ao ngke a am'arake, ao E anaa te berena Iesu, ao E tataro ni katituaraoi, ao E urua, ao E angania ana reirei, ao E kangai, “Anaia, kanna; rab'atau aei.”

Mareko 14:22

Ngke a am'arake, ao E anaa te berena Iesu, ao E tataro ni katituaraoi, ao E urua ni kam'akorokoroa, ao E anganiia, ao E kangai, “Anaia, rab'atau te baei.”

Ruka 22:19

Ao E anaa te berena, ao ngke E tia n tataro ni katituaraoi, ao E urua ao E anganiia ana reirei, ao E kangai, “Rab'atau aei ae I anga i bukimi, Karaoa aei b'a kanuringau!”

Ruka 9:16

Ao E anai kariki ake nimaai ao ika ake uoman, ao E tara rake nako karawa, ao E kaitaua te Atua ao E urui, ao E anganiia ana reirei b'a a na kaaki i mataia aomata.

I-Rom 14:6

Ane kawakina te bong teuana b'a e kakannato i rouna, ao e kawakinna i bukin te UEA; ao ane kang am'arake nako, ao e kang i bukin te UEA, b'a e katituaraoa te Atua; ao ane aki kang am'arake tabeua, ao e karaoia i bukin te UEA.

1.I-Korinto 10:16

Ngke ti moi man te m'angko are ti tataro i bukina b'a e na kakab'aia te Atua, tiaki anne te i buokanib'ai n raraani Kristo? Ao ngke ti kana te berena are ti urua, tiaki anne te i buokanib'ai n rab'atani Kristo?

1.I-Korinto 11:23

B'a I karekea mairoun te UEA te baere I a tia naba n anganingkami: b'a E anaa te berena te UEA are Iesu n te bong are E kam'aneaki iai;

Te Tua-Kaua 8:10

Ngkana kam a tibutaua n am'arake, ao kam na neboa te UEA ae Atuami b'a E anganingkami te aba ae raoiroi.

1.Tamuera 9:13

ane kam na nooria ngkana kam rin ni mataroan te kaawa. B'a ane i aoni kawaina n otinako nakon te tabo n taromauri b'a e na am'arake ma iruwa ake a kaoaki. A aki kona n am'arake ni karokoa e tia ni kakab'aia te karea. Ngkana kam nako ngkai, ao ane kam na kauia.”